Томислав Биљарац – Томби

Од Википедија — слободната енциклопедија
Прејди на прегледникот Прејди на пребарувањето
Роден 22 март 1940
Починал 18 декември 2017
Скопје, Македонија Македонија
Занимање новинар

Томислав Биљарац – Томби (роден 22 март 1940Скопје, 18 декември 2017) — македонски новинар, доајен на македонското автомобилско новинарство, кој над 40 години бил активен во радио програми, новински изданија, магазини и ревии посветени на автомобилската индустрија.

Биографија[уреди | уреди извор]

Биљарац е роден на 22 март 1940 година. Неговата кариера започнала во Радио Скопје, во рубриката за сообраќај, а потоа повеќе децении работел како главен и одговорен уредник на изданието „Современ возач“. Тој бил и член на жирито за избор на Автомобил на годината на Југославија, а особено е познат како творец и сопственик на првата „авто-мото“ ревија во независна Македонија – „Авто Плус“. Биљарац бил иницијатор и основач на жирито за избор на Автомобил на годината во Македонија и важи за еден од поставувачите на темелите на салонската манифестација „Авто Експо“ која долги години се одржувала на Скопскиот саем. За својата посветена работа Томислав Биљарац – Томби бил добитник на многу признанија и награди како на просторите на некогашна Југославија, така и во независна Македонија.

Починал во Скопје на 18 декември 2017 година.[1]


Наводи[уреди | уреди извор]