Тетратка на смртта

Логото на Тетратка на смртта

Death Note (Тетратка на смртта) (јапонски: デスノートcode: ja is deprecated , Desu Nōto) — манга-серијал создаден од писателот Тсугуми Охба и манга уметникот Такесхи Обата. Главен лик е Јагами Лајт, средношколец што ќе открие тетратка со натприродни моќи, “Тетратката на смртта”, која на Земјата му има паднато на Рјук. Дејствието се врти околу тоа да со помош на тетратката Јагами Лајт створи и владее свет кој е исчистен од зло и напорите на детективот, познат како L, и неговите понатамошни наследници, Near и Mello, да го спречат во тоа. Тетратката му ја дава способноста на нејзиниот корисник да убие било кој чие име го знае, со запишување на името во тетратката додека си го замислува неговото лице.

Тетратка на смртта најпрво било серијализирано во 108 поглавја од страна на Shueisha во јапонското Манга списание Weekly Shōnen Jump од декември 2003 до мај 2006. Серијалот, исто така, бил објавен и во tankōbon формат во Јапонија, почнувајќи од Мај 2004 до Октомври 2006 во вкупно 12 поглавја. Аниме серијалот започна да се емитува од 3 октомври 2006 до 26 јуни 2007. Составена од 37 епизоди, анимето беше создадено од страна на Медхаус и режирано од Тетсуро Араки. Во Јапонија бил објавен и роман за млади заснован на серијалот чиј автор е Нисио Исин. Исто така, биле издадени најразлични видео игри од Конами за Нинтендо ДС.

ВизМедија го лиценцираше серијалот Тетратка на Смртта во Северна Америка, при тоа издавајќи ги сите 12 поглавја на мангата, како и на романот за млади. Епизодите од серијалот за првпат се појавија како подобни за спуштање од интернет од страна на ИГН. ВизМедија потоа го лиценцираше и аниме серијалот и го емитуваше на Бионикс. Филмовите засновани на Тетратка на Смртта кратко се даваа во определени кина во Северна Америка. Што се однесува до видео игрите, ниту една од нив досега не била издадена во Северна Америка.

Неколку издаваштва за аниме, манга и други медиуми имаат дадено пофалби и критики за серијалот. Содржината и насилството од приказната се пофалени, нотирајќи ги како мошне интересни. Меѓутоа, серијалот бил забранет во Кина поради проблеми со деца кои се обидувале да ги видоизмнат кориците на нивните тетратки да личат на Тетратката на Смртта.

На 30 април 2010, магазинот Варајети објави дека Варнер Броз ги имаат откупено правата за адаптација за филмување на мангата во Северна Америка. За таа цел, Варнер Броз ги ангажирале сценаристите Чарли И Влас Парлапанидес. За разлика од јапонската Тетратка на Смртта трилогија, Американската верзија ќе биде директно заснована на материјалите од мангата, и нема да го следи јапонскиот тек на дејствието. Од 10 мај 2010, ИМДб го има вметнато филмот под предпродукција со можен датум на издавање во 2011.

Содржина

Јагами Лајт е интелигентен млад човек кому очигледно му се одбивни постојаното зголемено насилство и корупција околу него. Неговиот живот драстично се менува кога ќе открие мистериозна тетратка фрлена на земја, позната како ”Тетратка на Смртта”. Инструкциите во Тетратката на Смртта тврдат дека доколку во неа биде запишано човечко име, таа личност ќе умре, како и ред други најразлични правила. Лајт првично е скептичен за автентичноста на тетратката, но кога ќе експериментира на криминалци со неа, тој увидува дека тетратката е вистинска. Откако ќе го знапознае претходниот сопственик на тетратката, шинигамито Рјук, Лајт планира да стане бог и да воведе Нов Светски поредок, заснован на неговите судови за оние кој тој мисли дека се зли и оние кои му застануваат на патот.

Наскоро, големиот број на необјаснива смрт кај обележани кримиалци ќе ја заинтригира Интернационалната Полициска Организација и митериозниот детектив, познат како “Л”. Л бргу дознава дека серискиот убиец, познат на јавноста како “Кира” (името произлегува од типичниот јапонски изговор на англискиот збор “киллер”(убиец), е сместен во Јапонија. Исто така, доаѓа до заклучок дека Кира може да убива луѓе без да ги допре, откако ќе го искористи осудениот затвореник Линдл Тејлор, чиешто затворање било држено во тајност, и којшто бил осуден да умре во тој час, претставувајќи го дека тој е Л, Лајт го убива. Лајт воочува дека Л му е најголемата мора, и меѓу нив започнува деликатна психолошка игра мачка-глушец.

Л заклучува дека Кира добива информации од самата полициска единица и праќа 12 агенти на ФБИ да следат луѓе поврзани со јапонската полиција. Лајт успева да го надитри Реј Пенбер, агентот задолжен да го следи, да му ја покаже личната карта, по што тој ги убива сите агенти на ФБИ. Наоми Мисора, свршеницата на Реј Пенбер, се сомнева дека Кира е некој од оние луѓе кои тој ги следел, но Лајт дознава за ова, и со помош на Тетратката на Смртта ја тера да изврши самоубиство. Миса Амане, уште еден сопственик на Тетратка на Смртта, го пронаоѓа Лајт, откако ќе испрати видео во кое таа ќе тврди дека е Кира. Опседнувајќи се себеси со Кира по смтртта на убиецот на нејзините родители, таа се посветува на тоа да му помага на Лајт, но е фатена од страна на Л. Лајт прави план кој вклучува откажување од сопствеништвото на двете Тетратки на Смртта и сите негови сеќавања за истите, и се предава на Л за набљудување, бидејќи Рем(вториот Шинигами, тој што ја слуша Миса) му се заканува дека ќе го убие доколку Миса не биде ослободена. Заедно, Лајт и Л испитуваат 8 луѓе од компанијата “Ѕотсуба” кои ја користат Тетратката на Смртта за сопствен профит. Додека го апсат третиот Кира Хигуичи, Лајт си ги повраќа своите сеќавања откако ќе ја допре Тетратката на Смртта. Тој се присетува и го продолжува својот план за да го натера претходниот сопственик на Тетратката на Смртта на Миса, Шинигамито Рем, да го убие помошникот на Л, Ватари, при што страда и самата Рем, бидејќи Шинигамите не можат намерно да го продолжат животниот век на луѓето. Тогаш Лајт ја добива нејзинита Тетратка на Смртта.

По смртта на Л, на Лајт му е доделена задачата на “нов Л” од страна на Јапонската полиција. По четири години, се појавуваат две деца, Неар и Мелло, кои биле одгледани за да бидат наследници на Л, во сиропиталиште основано од страна на Ватари, кои имаат за цел да го најдат Кира. Во меѓувреме, Кира има добиено голема јавна поддршка, како и контакти. Мелло, еден од наследниците на Л кој се има придружено на мафијата, ја киднапира Sayu Yagami, помалата сестра на Лајт, како материјал за размена за Тетратката на Смртта. Јапонската полиција планира да оди во Лос Анџелес за да ја спаси Сају, но при тоа ја губи тргата на Тетратката. Полицијата подоцна се обидува да ја поврати и успева во тоа. Но, како последица на експлозијата која ја прави Мелло при обидот за бегство, умира татко му на Лајт, Соичиро Јагами(Soichiro Yagami). Неар се сомнева во вториот Л дека е Кира, со што прави и останатите членови на полицијата отворено да се сомневаат во него. Воочувајќи ја опасноста да биде откриен, Лајт ја тера Миса да се откаже од сопствеништвото на нејзината Тетратка.Тој потоа го наоѓа својот наследник, Теру Миками, силен, скоро и полуден поддржувач на Кира, кој го убива последниот портпарол на Кира поради сопствената лакомост и дозволува Неар да избега од толпата поддржувачи на Кира. Миками подоцна ангажира нов портпарол на Кира, Кијоми Такада, новинарка и поранешна девојка на Лајт од деновите на колеџ. Теру Миками и Кијоми Такада продолжуваат да убиваат криминалци, додека Лајт не е во состојба да го прави тоа. Кијоми подоцна е киднапирана од страна на Мелло и е принудена да го убие со скриено делче од Тетратката. Лајт потоа ја убива Кијоми со цел да избегне таа да укаже на него откако ја користи Тетратката за да го ликвидира Мелло. Миками, несвесен за оваа случка, го пишува нејзиното име во Тетратката, откривајќи ја пред членовите на СПК. Неар ја заменил оригиналната Тетратка со лажна, и во финалната конфронтација со Лајт, добива можост да докаже дека Лајт е Кира. Согледувајќи дека Лајт изгуби, Рјук му го запишува името во својата тетратка, убивајќи го со срцев удар(природна смрт со која Шинигамите/богови на смртта/ ги завршуваат животите на тие што ќе ги пишат во својата тетратка,Тетратката на Смртта/Тхе Деатх Ноте/).

Надворешни врски

• Death Note official website Архивирано на 2 декември 2014 г. (јапонски)
• Shueisha's Death Note manga official website Архивирано на 27 мај 2005 г. Предлошка:Jp icon
• Official anime website (јапонски)
• Viz Media's Death Note website
• Madman Entertainment's Death Note website Архивирано на 25 јануари 2022 г.
• Death Note at Wikia
• Тетратка на смртта (anime) — Енциклопедија на Anime News Network (англиски)