Источни Русини

Русините се источнословенски народ, кој претежно живее во западна Украина, во покраината Транскарпатија, а ги има вкупно околу 610.000, од тоа во Украина околу 560.000. Нивниот јазик спаѓа во групата на источнословенски јазици. Русините некои ги сметаат за посебен народ а други ги сметаат за дел од украинскиот народ.

Покрај ова име Русините во историските документи се спомнуваат и по имињата Рутени и Малоруси. Исто така постојат и Русини во Војводина, чиј јазик спаѓа во групата на западнословенските јазици и е сличен со словачкиот.