Слободари
„Слободари“ (шпански: Libertarias) — филм на режисерот Висенте Аранда од 1996 година. Главните улоги ги толкуваат: Ана Белен, Викторија Абрил, Аријадна Хил и Лолес Леон. На филмскиот фестивал во Токио, режисерот Аранда ја освоил специјалната награда на жири-комисијата, а бил номиниран и за Гран-при. Покрај тоа, филмот имал дури шест номинации за шпанските филмски награди „Гоја“.[1]
Содржина[уреди | уреди извор]
На почетокот од Шпанската граѓанска војна, калуѓерката Марија е принудена да го напушти својот манастир. Таа се засолнува во еден бордел, каде наскоро пристига женска анархистичка дружина која го ослободува манастирот. Тогаш, Марија ѝ се придружува на дружината...