Симон Шен

Симон Шју Хуи Шен — политиколог и колумнист од Хонг Конг.

Образование

Шен се школувал на колеџот Квинс и дипломирал на Универзитетот Јеил во 2000 година со диплома по политички науки и историја, а подоцна станал и магистер по политички науки. Докторирал на Катедрата за политика и меѓународни односи на Оксфордскиот универзитет во 2006 година. Неговата теза е насловена „Нова стабилност во внатрешните и надворешните работи на Кина? Повторно откривање на кинескиот национализам во кинеско-американските односи (1999-2003)“.

Академска кариера

Шен се приклучил на Кинескиот универзитет во Хонг Конг (КУХК) во 2003 година и станал научен асистент професор во Хонг Конг на Институтот за азиско-пацифички студии на истиот универзитет. Во 2009 година, тој бил поканет од Ентони Чеунг, тогашен претседател на Институтот за образование во Хонг Конг (сега Универзитет за образование во Хонг Конг) на неговиот Факултет за уметности и науки. Шен се вратил да предава во КУХК во 2012 година.

Тој имал визитинг позиции во Институтот Брукингс, Универзитетот во Ворвик и Националниот универзитет во Сингапур.

Во 2016 година го напуштил неговиот роден град. По три години, тој се вратил пак во Хонг Конг, но повторно заминал во егзил по спроведувањето на законот за национална безбедност во 2020 година.

Библиографија

Книги

• Конфликт и соработка во кинеско-американските односи: промена и континуитет, причини и решенија. Routledge. 2015. (Уредувано со Жан-Марк Бланшар)
• Кина и светот (том I – VIII). Sage. 2014. (Уредувано со Шон Бреслин и Карла Фримен)
• Мултидимензионална дипломатија на современа Кина. Rowman & Littlefield. 2010. (Уредувано со Жан-Марк Бланшар)
• Кинескиот онлајн национализам и билатералните односи на Кина. Rowman & Littlefield. 2010. (Уредувано со Шон Бреслин)
• Редефинирање на национализмот во модерна Кина: кинеско-американските односи и појавата на кинеските јавни мислења во 21 век. Palgrave Macmillan. 2007.