Повик на чекање

Од Википедија — слободната енциклопедија
Прејди на прегледникот Прејди на пребарувањето

Повик на чекање – дополнителна телекомуникациска услуга која телефонската компанија им ја нуди на своите корисници за да им овозможи да прифатат втор повик кога веќе имаат повик во тек.

Опис[уреди | уреди извор]

Услугата овозможува да не се пропушти втор повик додека корисникот веќе разговора. При повик на корисник кој разговара, истиот ќе добие информација за повик преку звучен сигнал „бип“. Повикувачкиот корисник добива тон на ѕвонење како во случај кога линијата е слободна.

Повиканиот корисник може времено да го прекине разговорот кој е во тек, да го остави соговорникот на чекање, да оствари врска со повикувачот или да се префрла помеѓу двата повика.

Начин на користење[уреди | уреди извор]

Додека разговара, повиканиот корисник во слушалката ќе чуе „бип“ сигнал

  • Повиканиот треба да го притисне флеш копчето (FLASH) на неговиот телефонски апарат
  • Откако ќе слушне континуиран тон, треба да го притисне копчето 2 за да го добие вториот корисник кој го повикува
  • Доколку сака да се префрли повторно на првиот повик кој е на чекање, треба да ги повтори претходните два чекора.

Услугата по потреба може да се активира или деактивира со внесување на соодветен код.

  • Активирање: * 43 #
  • Деактивирање: # 43 #

Откако ќе се внесе кодот мора да се добие говорна порака или тон за потврда дека услугата е активирана или деактивирана.

Историја[уреди | уреди извор]

Услугата „повик на чекање“ првично била воведена во Северна Америка во почетокот на седумдесеттите години на 20 век со воведувањето на првите електронски централи во телефонската мрежа. Во овој период услугата е воведена и во Европа со воведувањето на првите дигитални комутациски системи.

Во Македонија услугата е воведена во средината на деведесеттите години на 20 век со пуштањето во сообраќај на дигиталните централи EWSD и Alcatel E10[1].

Наводи[уреди | уреди извор]

  1. Костовски, Ристо (1998) (на македонски). Македонска пошта, Македонски телекомуникации. Скопје: Ми-Ан. стр. 161. ISBN 9989-613-03-6.