Мрена

Од Википедија — слободната енциклопедија
Прејди на: содржини, барај
Мрена
Научна класификација
Царство: Животни
Колено: Хордови
Класа: Зракоперки
Ред: Праповидни
Фамилија: Крапови
Род: Мрена
Вид: Обична мрена
Биномен назив
Barbus barbus
Linnaeus, 1758
Мрена

Мрена (латински: Barbus barbus) е риба со меки перки кои лесно се виткаат. Таа има четири израстоци во облик на бркови околу устата. Припаѓа на фамилијата крапови (Cyprinidae). Во време на полагање на, икрата оваа риба е отровна.

  • Макс. должина: 1 м
  • Макс. тежина: 9 кг
  • Време на мрест: од мај до јуни

Опис[уреди]

Мрена има тело со вретенест облик со нагласени и јаки перки. Грбот и е сивомаслинест, а према стомакот е сребрнаста прекриена со густи и ситни крлушки. Устата и е месеста и жилава украсена со два пара мали бркови. Расте до тежина од 10 килограми но такви примероци не се видени веќе подолго време. Најчесто се среќаваат примероци од 500 грама до еден килограм, а примероци од 5 килограми се сметаат за капитален улов. Животниот век на мрената е 9 години.

Навики и распростанетост[уреди]

Мрената ги населува сите води на централна и западна Европа, вклучувајќи го и речното корито на реката Дунав. Најчесто се наоѓа во местата каде дното е од камења. Активна е претежно ноќе, но се храни и дење после бура, кога собира мали животинки кои паднале во реката.

Размножување[уреди]

Мрената се мрести како и клен, од крајот на април до крајот на јуни и во тоа време таа се храни со ларви кои и ги носи водата или самата ги бара под камењата. Положува од 3000 до 8000 јајца крупна портокалова икра, кои се развиваат во период од 14 дена. Млечта на мажјакот е црвенкаста. Полово е зрела од 4 години кога е долга 30-40см. За развој на икрите потребна е температура од 10-12ºЦ.