Мачорот под шлем (филм)

„Мачорот под шлем“ (српскохрватски: Mačak pod šljemom) — југословенски филм од 1962 година, во режија на Жорж Скригин. Главните улоги ги толкуваат: Павле Вуисиќ, Драгомир Бојаниќ Гидра, Давор Антолиќ.

Содржина

Филмот ја прикажува стравотијата на Втората светска војна, но со доза на хумор и оптимизам. Тој претставува духовита приказна за Илија Капарам, дрвар и селанец кој им се приклучува на партизаните, каде станува десетар и со својата чета успешнп ги исполнува борбените задачи. Меѓутоа, сè се менува кога командантот го испраќа на специјална задача...