Климатските промени и полот

Климатските промени и полот е истражување како мажите и жените пристапуваат и користат ресурси кои се под влијание на климатските промени и како ги доживуваат последиците, бидејќи климатските промени влијаат различно врз мажите и на жените.^[1] Исто така, испитува какво влијание имаат родовите улоги и културните норми на способноста на мажите и жените да одговорат на климатските промени и како улогите на жените и мажите можат подобро да се интегрираат во стратегиите за адаптација и ублажување на климатските промени. Дополнително на тоа, разгледува како климатските промени се вкрстуваат со другите социо-економски предизвици, како што се сиромаштијата, пристапот до ресурси, миграцијата и културниот идентитет. Може да се заклучи дека, целта на ова истражување е да се осигури дека политиките и иницијативите за климатските промени се еднакви и дека и жените и мажите имаат корист од нив.^[2]^[3] Климатските промени ја зголемуваат родовата нееднаквост, ја намалуваат способноста на жените да бидат финансиски независни, и имаат севкупно негативно влијание врз социјалните и политичките права на жените, особено во економиите кои во голема мера се засноваат на земјоделството. Во многу случаи, родовата нееднаквост значи дека жените се поранливи на негативните ефекти од климатските промени. Ова се должи на родовите улоги, особено во светот во развој, што значи дека жените се често зависни од природната средина за егзистенција и приходи. Со дополнително ограничување на веќе ограничениот пристап на жените до физички, социјални, политички и фискални ресурси, климатските промени често ги оптоваруваат жените повеќе отколку мажите и можат да ја зголемат постојната родова нееднаквост.

Разликите засновани на родови исто така се идентификувани во однос на свесноста, каузалноста и одговорот на климатските промени, а многу земји развија и имплементираа стратегии и акциони планови за климатски промени засновани на пол. На пример, владата на Мозамбик донесе Стратегија и акционен план за родови прашања, животна средина и климатски промени на почетокот на 2010 година, при што беше првата влада во светот што го стори тоа. Бизнисите со разновидни родови одбори имаат 60% поголеми шанси да ја минимизираат употребата на енергија и 40% поголема веројатност да ги намалат емисиите на стакленички гасови. Двата пола различно ги доживуваат климатските промени и уништувањето на животната средина во зависност од родовите улоги и општествените конвенции.

Сепак, анализирајќи ја половата различност во климатските промени не е ограничена само на жените. Тоа, исто така, значи не само примена на бинарен систем за анализа на машки/женски групи на квантитативни податоци, туку и детално разгледување на дискурзивните конструкции што ги обликуваат односите на моќ поврзани со климатските промени, и разгледување како родот, како социјален фактор кој влијае на одговорите на климатските промени, се вкрстуваат со други варијабли како што се возраста, кастата, брачниот статус и етничката припадност. Ова бинарно ги исклучува и поединците кои се дел од ЛГБТК+ заедницата и оние кои се небинарни и не се вклопуваат во родовите норми. За да се разберат ефектите што климатските промени ги имаат врз различните популации, мора да има разлика помеѓу родот и полот. Родот се дефинира како општествено конструирани разлики меѓу мажите и жените што доведуваат до мажественост и женственост. Полот пак, се дефинира како биолошки разлики помеѓу мажите и жените, најчесто во врска со функциите за репродукција.

Поврзано

Наводи

↑ CARE. "Adaptation, Gender, and Women's Empowerment." Архивирано на 5 август 2013 г. Care International Climate Change Brief. (2010). (accessed 18 March 2013).
↑ Lau, Jacqueline D.; Kleiber, Danika; Lawless, Sarah; Cohen, Philippa J. (March 2021). „Gender equality in climate policy and practice hindered by assumptions“. Nature Climate Change (англиски). 11 (3): 186–192. Bibcode:2021NatCC..11..186L. doi:10.1038/s41558-021-00999-7. ISSN 1758-6798. S2CID 232107752 Проверете ја вредноста |s2cid= (help).
↑ Pearse, Rebecca (March 2017). „Gender and climate change“. WIREs Climate Change (англиски). 8 (2). Bibcode:2017WIRCC...8E.451P. doi:10.1002/wcc.451. ISSN 1757-7780. S2CID 131947864.

[Adaptation,_Gender,_and_Women's_Empowerment-1] CARE. "Adaptation, Gender, and Women's Empowerment." Архивирано на 5 август 2013 г. Care International Climate Change Brief. (2010). (accessed 18 March 2013).

[2] Lau, Jacqueline D.; Kleiber, Danika; Lawless, Sarah; Cohen, Philippa J. (March 2021). „Gender equality in climate policy and practice hindered by assumptions“. Nature Climate Change (англиски). 11 (3): 186–192. Bibcode:2021NatCC..11..186L. doi:10.1038/s41558-021-00999-7. ISSN 1758-6798. S2CID 232107752 Проверете ја вредноста |s2cid= (help).

[:14-3] Pearse, Rebecca (March 2017). „Gender and climate change“. WIREs Climate Change (англиски). 8 (2). Bibcode:2017WIRCC...8E.451P. doi:10.1002/wcc.451. ISSN 1757-7780. S2CID 131947864.

[1]

[2]

[3]