Кајенгел (атол)

Од Википедија — слободната енциклопедија
Прејди на прегледникот Прејди на пребарувањето
Кајенгел
Kayengel
Kayangel-Atolls.png
Сателитска снимка на Кајенгел (средишниот атол).
Географија
Површина1.39 км2
Највисоко издигнувањен,п, м
Управување
Кајангел
Демографија
Население138 (2000)

Кајенгел (англиски и палауански: Kayengel) или познат како Нгчеангел (Ngcheangel) е најголемиот и единствен населен атол во сојузната држава Кајангел во Палау.

Географија[уреди | уреди извор]

Атолот Кајангел или локално имениван како Нгчеангел е единствен населен атол во оваа сојузна држава. Исто така, овој атол сочинува 99% од копното на сојузната држава. Атолот е со координати 08°04′N 134°42′E / 8.067° СГШ; 134.700° ИГД / 8.067; 134.700, и е на околу 35 километри северно од Бабелдуап, главниот остров на Палау, но само 3 км од гребенот на островот. Атолот е долг 7.2 километри долг во правец север-југ, и широк е 3,.7 километри во правец запад-исток. Заедно со неговата лагуна, атолот има вкупна површина од 20 километри квадратни, а само копното изнесува 1.4 километри квадратни. Просечната длабочина на лагуната е 6 метри, а најдлабоката точка е 9.6 метри. Дното на лагуната е во принцип песочно. На западната страна на атолот има премин каде влегуваат бродови во лагуната, а длабочина од 2 до 4 метри. Во близината на преминот има големи риби, делфини и желки, но во самата лагуна животинскиот свет е помал.

Острови[уреди | уреди извор]

Атолот има овална форма и има четири мали островчиња кои се густо пошумени, и од север кон југ тие се: Кајангел, Нгериунгс, Нгеребелас и Орак.

Остров Кајангел[уреди | уреди извор]

Островот Кајангел, или познат како Нгчеангел, е најголемото островче кое во склоп на атолот, а воедно и најголемо во сојузната држава. Островот има должина од 2570 метри во правец север-југ, со ширина од 270 метри во јужниот дел и 700 метри во северниот дел. Вкупната површина на копното е 98 хектари. На островот има пет села кои се на западната страна на островот, со поглед кон лагуната. Тие се протегаат на околу 1.5 километри од север кон југ и не се јасно одделени. Тие се многу мали и вкупно имаат само 138 жители. Заедно сите се групираат под името Кајенгел и функционираат како главен град на оваа сојузна држава. Селата се: Орукеј, Дилонг, Доко, Олканг и Димес.

Селата се напојуваат со електрична енергија од соларни панели или агрегатори. Има едно мало училиште за сите возрасти и мала библиотека. На островот има мала продавница, но сепак храната или ја одгледуваат или се хранат со морски плодови. До островот се пристигнува по воден пат.

Остров Нгериунгс[уреди | уреди извор]

Нгериунгс е на 820 метри јужно од Кајангел. Островот е долг 1350 метри во правец север-југ и има широчина од 130 метри во јужниот и 380 метри во северниот дел. Вкупната површина на островот е 27 хектари. Островот не е населен, но има мал камп.

Остров Нгеребелас[уреди | уреди извор]

Островот Нгеребелас се наоѓа во близина на јужниот дел на атолот Кајенгел, или на 1200 метри југозападно од Нгериунгс. Има вкупна широчина од 400 метри во правец исток-запад и 370 метри должина во правец север-југ. Островот има вкупна површина од 12 хектари. Островот не е населен.

Остров Орак[уреди | уреди извор]

Островот Орак е најјужен во атолот и е на 290 метри југозападно од Нгеребелас. Должината на островот е 210 метри во правец југозапад-североисток, а широк е 90 метри. Вкупната површина на островот е 1.5 хектари и е најмал од сите острови во овој атол. Островот не е населен.

Галерија[уреди | уреди извор]

Поврзано[уреди | уреди извор]

Надворешни врски[уреди | уреди извор]