Залуден глас

Изгубени гласови т.е. гласови кои не учествувале во распределба на мандатите на парламентарните избори во Македонија во 2020

Во изборните системи, залуден глас е секој глас што не добива застапеност во конечниот изборен исход.

Терминологија

Постојат два типа на залудни гласа:

• Вишокот на гласови што кандидатот ги добива над потребните за да биде избран.
• Изгубените гласови кои не се доволни за освојување на мандат.

Понекогаш терминот „залуден глас“ се користи како синоним за „изгубените гласови“, додека друг пат се користи за збирот од изгубените и вишокот на гласови.

Пример

На избори кандидатите A, B и C добиле 6000, 3100 и 701 гласови, соодветно.

Доколку изборниот модел е мнозински, и се освојува само еден мандат, кандидатот A го има мнозинството гласови и е избран. Залудни гласови се:

• Сите 3801 гласа за кандидатите B и C, бидејќи не учествуваат во изборот на кандидатот и тие се „изгубени“
• Во поширока дефиниција, вишокот од 2899 гласа за кандидатот A се залудни, бидејќи тој ќе победел и со 3101 глас. Оттука, 6700 од вкупно 9801 се залудни.

Доколку изборниот модел е пропорционален, и се избираат на пр. 12 мандати, а нивната распределба се врши според Донтовиот метод, тогаш мандатите ќе бидат распределени на следниот начин 8-4-0 за A-B-C. Залудни гласови се:

• Сите 701 глас за партијата C, која не освоила ниту еден мандат.
• Во поширока дефиниција, залудни се исто така и:
  • 399 гласа за A, бидејќи A сè уште ќе добиела осум мандати со 5601 гласа наспрема 3100 и 701 (со 5600 гласа за A, последниот мандат ќе го добие C)
  • 299 гласа за B