Волумен на дистрибуција

Волумен на дистрибуција (V_D, исто така познат како привиден волумен на дистрибуција) претставува теоретски волумен на течност која ја содржи целокупната количина на администриран лек со иста концентрација како таа на лекот во крвната плазма.

V_D е во директна корелација со количеството на лек дистрибуиран во ткивата; повисок V_D укажува на тоа дека поголема количина на лек се дистрибуира во ткивата.

Равенка

Волуменот на дистрибуција е даден со следнава равенка:

${V_{D}}={\frac {\mathrm {Q} }{\mathrm {Cp} }}$

Каде:

• Q = вкупното количество на лек во организмот
• Cp = плазматската концентрација на лекот

Примери за вредности и равенки

Параметар	Опис	Пример	Симбол	Формула
Доза	Количество на администриран лек.	500 mg	$D$	Дизајн-параметар
Дозен интервал	Време помеѓу две последователни администрации на лекот.	24 h	$\tau$	Дизајн-параметар
Cmax	Максималната плазматска концентрација на лекот после негова администрација.	60.9 mg/L	$C_{\text{max}}$	Со директно мерење
tmax	Времето потребно да се постигне Cmax.	3.9 h	$t_{\text{max}}$	Со директно мерење
Cmin	Најниската концентрација која лекот ја достигнува пред да се администрира наредната доза.	27.7 mg/L	$C_{{\text{min}},{\text{ss}}}$	Со директно мерење
Волумен на дистрибуција	Привиден волумен во кој лекот се дистрибуира (т.е., параметар кој се однесува на плазматската концентрација на лекот во однос на вкупната количина на лек во организмот).	6.0 L	$V_{\text{d}}$	$={\frac {D}{C_{0}}}$
Концентрација	Количество на лек во даден волумен на плазма.	83.3 mg/L	$C_{0},C_{\text{ss}}$	$={\frac {D}{V_{\text{d}}}}$
Полувреме на елиминација (или време на полуживот)	Времето потребно за намалување на плазматската концентрација на лекот за половина.	12 h	$t_{\frac {1}{2}}$	$={\frac {\ln(2)}{k_{\text{e}}}}$
Константа на брзината на елиминација	Стапка со која лекот се отстранува од телото.	0.0578 h−1	$k_{\text{e}}$	$={\frac {\ln(2)}{t_{\frac {1}{2}}}}={\frac {CL}{V_{\text{d}}}}$
Брзина на инфузија	Брзина на инфузија потребна да се урамнотежи елиминацијата.	50 mg/h	$k_{\text{in}}$	$=C_{\text{ss}}\cdot CL$
Површина под крива	Интегралот на кривата плазматска концентрација-време (по единечна доза или во динамичка рамнотежа).	1,320 mg/L•h	$AUC_{0-\infty }$	$=\int _{0}^{\infty }C\,\operatorname {d} t$
			$AUC_{\tau ,{\text{ss}}}$	$=\int _{t}^{t+\tau }C\,\operatorname {d} t$
Клиренс	Волумен на плазма од кој лекот се елиминира во единица време.	0.38 L/h	$CL$	$=V_{\text{d}}\cdot k_{\text{e}}={\frac {D}{AUC}}$
Биорасположливост	Системски достапна концентрација на лек.	0.8	$f$	$={\frac {AUC_{\text{po}}\cdot D_{\text{iv}}}{AUC_{\text{iv}}\cdot D_{\text{po}}}}$
Флуктуација	Флуктуација помеѓу максималната и минималната плазматска концентрација за време од еден интервал на дозирање во состојба на динамичка рамнотежа	41.8 %	$\%PTF$	$={\frac {C_{{\text{max}},{\text{ss}}}-C_{{\text{min}},{\text{ss}}}}{C_{{\text{av}},{\text{ss}}}}}\cdot 100$ каде $C_{{\text{av}},{\text{ss}}}={\frac {1}{\tau }}AUC_{\tau ,{\text{ss}}}$