Ајдучка чешма (роман)

Ајдучка чешма

Автор	Видое Подгорец
Изработувач на корицата	Александар Каевски
Земја	Македонија
Јазик	македонски
Жанр	роман
Издавач	Македонска книга
Издадена	1970
Медиум	печатено издание

„Ајдучка чешма“ - роман за ајдутскиот период од македонската историја од македонскиот писател Видое Подгорец. Книгата била пишувана во Зеница, Колешино и Скопје од 1961 до 1964 година. Издадена е во 1970.

Содржинa

Романот се состои од пролог, главен дел со 20 глави, секоја од нив насловена, и епилог, а дејствието го раскажува белобрадиот овчар како омнисцентен раскажувач. „Ајдучка чешма“ е поетски напишана и овековечена приказна за ајдутскиот период од македонската историја. Приказната за ајдутскиот војвода Коте, по неговата смрт заменет од неговиот син Илко, судбината на Сребра, сестрата близначка на Илко и мајката Гроздана, вешто раскажана од брилијантното перо на Видое Подгорец, го одржува вниманието на младиот читател до самиот крај. Изненадувањето се крие во епилогот кој се открива и идентитетот на белокосиот овчар кој ја раскажува и предава легендата за ајдуците како и за имињата на топонимите низ Подгорјето и селото Брест кои се споменуваат во приказната.

Изданија на книгата

Романот „Ајдучка чешма“ е издаден во 1970 година.

• Прво издание од септември 1970 година како издание на издавачката куќа: „Македонска книга“. Илустрациите и нацртот на корицата се на Александар Каевски. Тиражот на книгата бил 5000 примероци.