Ангел Димовски Чауш

Ангел Димовски Чауш е роден на 5.11.1952 година, во с.Крнино, Велес тој е истакнат македонски ликовен уметник и академски вајар сликар и графичар.

Ангел Димовски Чауш
Портрет на Ангел Димовски Чауш
Роден(а)	Ангел Димовски 5.11.1952 година
Националност	Македонец
Образование	Факултет за ликовна уметност Скопје
Значајни дела	скулптор, сликар, графичар

Животопис

Ангел Димовски Чауш е роден на 5.11.1952 година, во с.Крнино, Велес. Потекнува од скромно семејство од татко Галеб и мајка Деница. Своето образование кон најубавата професија ја надоградувал на Факултет за применета уметност, отсек вајарство и завршил во 1973 во класата на професор Димо Тодоровски. Во следните четири години студирал Историја со археологија на Филозофскиот факултет, за да со отворањето на Факултетот за ликовна уметност во 1980 година се префрлил на оваа високошколска институција на отсекот за вајарство со театарска , филмска и телевизиска сценографија. Дипломирал во класата на професорот Петар Хаџи Бошков во 1984 година.

Творештво

Уметник кој и во својата седма деценија од животот е во постојано движење и кој не страда од недостиг на инспирација во своето творештво. Самостојно изложувал во многу градови во земјава и во странство, а остварил и повеќе студиски патувања во земји како Франција, Италија, Шпанија, Германија, Грција, Египет, Турција, САД... Голем број на негови деласе наоѓаат во приватните колекции на познавачи на уметноста од Америка, Европа и од Африка... а од 1984 година член е на ДЛУМ и од 2002 и на Француското друштво на ликовни уметници КУЌАТА НА УМЕТНИЦИТЕ (LA MAISON DES ARTISTES). Живее и работи како слободен уметник во Македонија и во Франција, а многу години наназад и на Азурниот брег. Реализирал 15 самостојни изложби, над 50 групни изложби, добил 14 награди, изработил 5 монументални скулптури. Димовски е учесник на повеќе ликовни колонии.

Галерија

• 
• 
• 
• 
• 
• 
• 
• 

Надворешни врски

Ангел Димовски – Чауш