‘Рскавичнокоскени риби
| ‘Рскавичнокоскени риби Chondrostei Фосилен опсег: Мезозоик (Тријас) - денес |
|
|---|---|
 |
|
| Атлантска кечига, Acipenser oxyrinchus | |
 |
|
| Нилски бихир, Polypterus bichir | |
| Научна класификација | |
| Царство: | Animalia |
| Тип: | Chordata |
| Класа: | Actinopterygii |
| Поткласа: | Chondrostei |
| Редови | |
‘Рскавичнокоскените риби (лат. Chondrostei) се поткласа на зракоперкови риби кои се одликуваат по тоа што нивниот скелетен систем е првенствено изграден од ‘рскавица, но се забележува и окоскување (осификација). Во оваа поткласа постојат 52 вида поделени во два реда - Acipenseriformes и Polypteriformes.
Се смета дека претците на ‘рскавичнокоскените риби биле коскени риби, но окоскените делови биле изгубени во подоцнежниот еволуциски развиток. Постарите ‘рскавичнокоскени риби покажуваат зачтоци на окоскување на скелетот, што укажува на тоа дека овој процес е одложен наместо изгубен кај овие риби.[1]
Порано оваа група се класифицирала заедно со ајкулите: сличностите помеѓу нив се очигледни, и тоа не само по отсуството на коски, туку и структурата на вилицата е посродна со онаа од ајкулите отколку со другите коскени риби, а и кај двете групи отсуствуваат лушпи (со исклучок на кечигите). Меѓутоа, за разлика од нивниот надворешен изглед, фосилните наоди укажуваат на тоа дека овие риби имаат многу заеднички особини со телеостеите.[1] Додатни сличности се спиракулите и хетероцеркната опашка (прешлените се издолжуваат во поголемиот резен од опашната перка).
Поткласата Chondrostei е парафилетична, што значи дека таа не ги содржи сите потомци од еден заеднички предок; поради ова, не е исклучена ресистематизацијата на овој таксон.
Името на поткласата доаѓа од грчкиот збор chondros што значи ‘рскавица и osteo што значи коска.
[уреди] Систематика
Оваа поткласа е поделена во неколку редови, од кои само Acipenseriformes опстојува и денес, додека останатите се фосилни:
- Cheirolepidiformes †
- Palaeonisciformes †
- Tarrasiiformes †
- Guildayichthyiformes †
- Phanerorhynchiformes †
- Saurichthyiformes †
- Acipenseriformes
- Ptycholepiformes †
- Pholidopleuriformes †
- Perleidiformes †
- Luganoiiformes †
