Црвена чапја

Од Википедија — слободната енциклопедија
Прејди на: содржини, барај
Црвена чапја
Научна класификација
Царство: Животни
Колено: Хордати
Класа: Птици
Ред: Штрковидни
Фамилија: Ardeidae
Род: Ardea
Вид: A. purpurea
Биномен назив
Ardea purpurea
(Linnaeus, 1766)
жолто - размножување

зелено - презимување.

Црвената чапја (Ardea purpurea) е птица од фамилијата чапји. Таа се размножува во Африка, централна и јужна Европа, како и во јужна и источна Азија. Европските популации се миграторни, презимуваат во тропска Африка; посеверните азиски популации исто така мигрираат појужно во Азија. Таа е редок, но редовен жител северно од териториите каде се размножува.

Физички опис[уреди]

По својот надворешен изглед многу наликува на сродната сива чапја, но е помала и со поцрвени тонови.

  • Должина на тело - 80 - 90 cm;
  • Распон на крилја - околу 140-145 cm;
  • Тежина - 600-1400 g;
  • Полов диморфизам - слабо изразен;
  • Пердуви - преовладуваат сиви и црвеникави тонови;
  • Полетување - со тешки замавнувања и свиен врат.

Биотоп[уреди]

Се среќава по бреговите на езера и реки, најчесто обраснати со вегетација. Не се среќава во големи планински масиви.

Начин на живеење и исхрана[уреди]

Се исхранува главно со риба, која дури и ако е значително голема на прв поглед лесно ја проголтува. Исто така јаде и змии, глувци, инсекти, водоземци, јајца, остатоци од мртви животни, крастави и други жаби кои можат да лачат отровен секрет. Како и сивата чапја, кога лови се движи бавно и често го демне пленот, но како што е случај со блиските видови со неа всушност заземаат различни еколошки ниши и нема конкуренција меѓу нив. Сивата чапја ја бара храната во плитки заливи и во откриени води, каде може да се движи слободно.

Кога е исплашена, слично на некои други видови чапји, зазема посебна маскирна положба со исправен нагоре врат и клун. Меѓу трските и останатите растенија застаната во таква положба е многу тешко забележлива. Ја заземаат пред сè малите и во краен случај возрасните птици.

Погледни[уреди]