Томас Алва Едисон

Од Википедија — слободната енциклопедија
Томас Едисон
"Гениј е еден процент инспирација, деведесет и девет проценти пот."
– Томас Алва Едисон, Harper's Monthly (Септември 1932)
Роден(а)Томас Алва Едисон
11 февруари 1847(1847-02-11)
Охајо, САД
Починал(а)18 октомври 1931(1931-10-18) (возр. 84)
Њу Џерси, САД
ЗанимањеПронаоѓач, научник, стопанственик
Потпис
(англиски) A Day with Thomas Edison (1922)

Томас Алва Едисон (11 февруари 184718 октомври 1931) бил американски техничар и пронаоѓач. Негови најзначајни пронајдоци се: фонографот (грамофонот), микрофонот, акумулаторот, електричната светилка, го усовршил телефонот, меѓу првите изградил електрична централа, прв ја применил филмската лента од целулоид и изградил прво филмско ателје во светот.

Како награда за спасување на синот на шефот на железничката станица, 12–годишниот Едисон добил можност да ракува со телеграф. Неколку години работел како телеграфски оператор насекаде низ САД. Успеал да заштеди доволно за да почне свој бизнис. Во сопствената работилница го покажал сиот пронаоѓачки талент. Меѓу неговите патенти се вбројуваат: грамофонот, телеграфот – печатач, карбонскиот телефонски трансмитер, микрофонот, како и многу други апарати. Кон крајот на животот произвел звучни филмови.

Занимливости[уреди | уреди извор]

Во музејотХенри Форд“ во Мичиген, во мала стаклена епрувета се чува воздухот за кој се тврди дека е последниот здив на Едисон. Имено, кога Едисон умрел во својата спална соба во Њу Џерси, пред него имало отворена епрувета во која наводно тој го издишал последниот здив, по што неговиот лекар ја запечатил епруветата.[1]

Наводи[уреди | уреди извор]

  1. „Окото на Ајнштајн и средниот прст на Галилеј се чуваат како музејски експонати“, Дневник, година XIX, број 5874, петок, 25 септември 2015, стр. 22-23.