Света Елена (мајка на Константин)

Света Елена
мајка на Константин Велики
Роден(а)	околу. 246/50, Хеленополис
Умрел(а)	околу. 330, Константинопол, Римска Империја (денешен Истанбул)
Почитуван(а) во	Римокатоличка црква Православие Древноисточни цркви Црква на Англија Лутеранска црква
Главно светилиште	Базилика Свети Петар
Слава	18 август (Римокатоличка црква); 21 мај (Православие, Англиканство & Лутеранство); 19 мај (Лутеранска црква); Коптска православна црква)
Особини	Вистински крст
Заштитништво	археологист, прекрстување, разведени луѓе, царицата, Света Елена остров

Флавија Јулија Елена (латински: Flavia Iulia Helena), позната уште ѝ како Света Елена, Елена Августа и Елена од Константинопол (250 – 330) била сопруга на римскиот император Констанциј I Хлор и мајка на императорот Константин Велики.

Според христијанското верување, таа го открила Светиот крст, поради кое во Римокатоличката црква и Православната црква таа се смета како светец. Писателот од ранохристијанската епоха, Сократ Схоластик, пишува за откривањето на Светиот Крст. Според него, Света Елена, мајка на византискиот цар Константин I Велики (првиот император кој прво ја признае христијанската вера, а подоцна и ја прошири) тргнала во потрага на останките на Исус Христос. Тргнувајќи кон Светата Земја, таа основила многу цркви и основала здруженија за помагање на сиромашните и бедните. По престигнувањето во Ерусалим, било откриено местото каде што Исус Христос бил распнат, односно на ридот Голгота. Во близина биле откриени и трите крста, на кои биле распнати Исус Христос и двајцата крадци, Димас и Гестас. Со чудо бил откриен кој од трите крста е вистинскиот осносно на Исус Христос.