Реклама

Од Википедија

Рекламата (од француски: réclame од латинското reclamo) може да се дефинира како секоја форма на претставување на идеи, стоки или определени услуги од страна на спонзор. Рекламата е дел од комуникациската политика на маркетингот.

Содржина 1 Дефинирање на рекламата 2 Карактеристики 3 Предности на рекламата 4 Недостатоци на рекламата 5 Видови на реклама 5.1 Според сверата на општествениот живот 5.2 Според видот на рекламни средства 6 Достигање на рекламата до потрошувачите

[уреди] Дефинирање на рекламата

Во широк смисол на зборот, рекламата претставува определена форма на дејство врз определена индивидуа со употреба на средствата на комуникација се со цел да се постигне определена претходно планирана цел.

Во тесен смисол на зборот, рекламата претставува елемент на комуникацискиот систем на маркетингот чијашто крајна цел е продажба на определена стока или услуга.

[уреди] Карактеристики

• Рекламата е неперсонална комуникација
• Рекламата во повеќето случаи се плаќа
• Рекламата се стреми кон убедување
• Рекламата секогаш е од јавен домен

[уреди] Предности на рекламата

• Рекламата е средство на маркетинговиот микс кој може да опфаќа огромна аудиторија
• Рекламата има голема контрола на соопштението кое сака рекламодавателот да го приокаже на учесниците во рекламниот пазар
• Нејзината изразителност пред аудиторијата

[уреди] Недостатоци на рекламата

• Основен недостаток на рекламата со согледува во тешкиот пат кој треба да го помине рекламодавачот се со цел успешно да биде позиционирана стоката или услугата која се рекламира
• За создавање на реклама и нејзинот прикажување преку медиумите се потребни големи материјални трошоци
• Можно е да не се создаде обратна врска помеѓу клиентите и рекламата

[уреди] Видови на реклама

[уреди] Според сверата на општествениот живот

• Политичка
• Економска
• Социјална
• Спортна
• Културна..

[уреди] Според видот на рекламни средства

• Реклама во печатна форма
• Реклама во електронска формаж
• Реклама на местото на продажба
• Реклама преку изложба
• Кинореклама
• Реклама преку опаковка или амбалажа...

[уреди] Достигање на рекламата до потрошувачите

Еден од најважните елементи на рекламата е начинот преку кој самата реклама ќе дојде до потрошувачите на рекламираното добро или услуга. Како средства кои се користат за рекламирање на определена стока или услуга се: телевизија, радио, вестници, списанија, видео игри, интернет или билборд.

Основен елемент на една реклама е нејзината правидност односно точност.