Растафаријанство

Растафара движењето е монотеистичко, Авраамско, ново религиозно движење кое проникнува во Христијанската култура во Јамајка во 1930. Приврзаниците чиј култ е Свети Селеси 1-ви од Етиопија, поранешен Император на Етиопија (1930-1936 и 1941-1974), се наречени Растафариани, или Расти. Движењето понекогаш е и нарекувано “Растафаријанизам“, но овој термин некои Расти го сметаат за понижувачки и навредлив, кои не сакаат да бидат обележувани со наставката “изам“

Растафара движењето не е високо организирана религија: тоа е движење и идеологија. Многу Растафаријани велат дека тоа воопшто не е “религија“, туку “Начин на Живеење“.

Повеќето Растафаријани не признаваат никакви секти и вероисповести, па така се охрабруваат едни со други да најдат верба и инспирација во самите себе.

Името Растафара е превземено од Рас Тафара, предвладеечката титула на Свети Селеси 1-ви, составено од Амхарик Рас (буквално “Глава“, Етиопски еквивалент на Војвода) и од презимето на Свети Селеси, Тафари. Растафаријаните се истакнати по тоа што тврдат дека Свети Селеси 1-ви, поранешниот, и последен, Етиопски Император, е друга инкарнација на Христијанскиот Бог, наречен Џа. Тие го гледаат Свети Селеси 1-ви како Џа или Џа Растафари, кој е второ доаѓање на Исус Христот на Земјата.

Растафара движењето вклучува и активности како спиритуално конзумирање на канабис и отфрлање на западното општество (наречено Бабилон, кое повеќе се однесува на Христијанскиот метафоричен Бабилон, отколку на Месопотамската град-држава). Ја прокламира Африка (исто така наречена “Зајон“) како родно место на човечкиот вид.

Денес, сознанието за Растафара движењето е распространето низ целиот свет, преку заинтересираноста која ја предизвикала реге музиката- најевидентно од страна на Јамајканскиот пејач и композитор Боб Марли. До 1997, имало околу милион верни Растафаријани низ светот. Од пет до десет проценти од Јамајканците се идентификуваат како Растафаријани.

Бог

Растафаријаните се монотеисти, се поклонуваат на еден единствен Бог кој го нарекуваат Џа. Растите го гледаат Џа како битие во форма на Светото Тројство, тоа е, Бог кој е Таткото, Синот и Светиот Дух.Растите велат дека, во форма на Светиот Дух (инкарнацијата), живее меѓу луѓето, и токму затоа тие често себе си се нарекуваат “Јас и Јас“. Освен тоа, “Јас и Јас“ го користат наместо “Ние“, и се користи на овој начин за да се изрази еднаквост помеѓу луѓето, признавајќи дека Светиот Дух внатре во нас, сите не прави исти и во суштина едно.

Некои Растафаријани го прифаќаат Христијанското верување дека Бог се инкарнирал на Земјата во формата на Исус Христос, за да го пренесе своите учења на човештвото. Како и да е, тие често велат дека неговите учења биле изопачени од Бабилон.

Светото Тројство

Раста верувањето го опфаќа Светото Тројство вклучувајки потенцирање на „Свети Селеси“ , значењето на “Моќта на Тројството“ или “Силата на Тројството“ во Ге’ез- името кое му е дадено на Рас Тафари по неговото крштевање, и подоцна се сметало за дел од неговото владеечко име со кое се здобил на 2 Ноемри 1930 на неговото крунисување од страна на Етиопската Православна Црква.

Зајон наспроти Бабилон

Растафаријаните тврдат дека Зајон (односно Африка, посебно Етиопија) е земјата која Џа ним им ја ветил. За да го достигнат ова, тие го отфрлаат модерното западно општество, кое го нарекуваат Бабилон, кое го гледаат како бесконечно корумпирано.

Лавот

Лавот е знак на Свети Селеси. Исус Христос во библијата е опишан како “Лавот на Јуда“, и поради таа причина, Свети Селеси го гледаат како реинкарнација на Исус.

Ганџа/Канабис

За растите, пушењето канабис, често познат како “трева“, “грас“, “синсемила“ е спиритуален чин, често придружуван од Библиски учења, кој се смета за причестување кое го прочистува телото и умот, лекува душата, носи задоволство, и ги доближува до Џа.

Наводи

• Dread, The Rastafarians of Jamaica, by Joseph Owens ISBN 0-435-98650-3

• Experience, by Lincoln Thompson

• Soul Rebels: The Rastafari, by William F Lewis

• Rastafari: A Way of Life, by Tracy Nicholas ISBN 0-948390-16-6

• Book of Memory: A Rastafari Testimony, composed by Prince Elijah Williams and edited by Michael Kuelker ISBN 0-9746021-0-8

• Complete Idiot's Guide to World Religions, by Toropov, Brandon ISBN 0-7865-8840-5

Надворешни врски

• Rastafarianism Scholarly profile at the Religious Movements Homepage (University of Virginia)

• A Sketch of Rastafarian History by Norman Reddington

• House of Judah Nyabinghi Rastafarian Grounation — John H. Bradley на YouTube