Пајтон

Пајтон — раскошна отворена, со настрешница, коњска кола за превоз на патници.^[1] Пајтоните се појавиле на почетокот на XIX век и биле влечени од еден или два коња. Типично за пајтоните се 4 големи тркала и сразмерно мало тело што го прави брз, но нестабилен и опасен. Пајтоните служеле за превоз на патници и багаж, но некои од нив биле специјализирани за превоз на пошта.

Денес пајтоните се користат како туристичка атракција и за забава. Во знак на екстравагантност понекогаш матурантите ги користат за да стигнат на матурската вечер или младоженците за на свадба.

Потекло на поимот[уреди | уреди извор]

Зборот пајтон најверојатно произлегува од името на синот на богот на Сонцето Хелиј од старогрчката митологија — Фаетон и неговото трагично возење со татковата кочија. Ја забрзал колата, но се уплашил од брзината, загубил контрола над белите коњи што биле впрегнати во неа и колата се изгубила во пламењата.

Пајтонот во македонската народна музика[уреди | уреди извор]

Чифте, чифте пајтонлари — популарна песна од турско потекло.
Ако одам во Битола — (.../Ако одам во Битола/ќе нарачам до три пајтона./...), традиционална староградска песна од Петар Георгиев-Калица.