Народните музички инструменти во Македонија

Народните музички инструменти во Македонија
	Првата внатрешна страна на копија во Битолската универзитетска библиотека
Автор	Александар Линин
Земја	Македонија
Јазик	македонски
Жанрови	историја, етнографија, етнологија, музикологија и музикографија
Издавач	Македонска книга
Издадена	1986
Страници	143

Народните музички инструменти во Македонија — книга напишана од Д-р Александар Линин и објавена во печатницата „Просвета“ (Куманово) во 1986 година. Книгата претставува монографско прикажување на народните музички инструменти во Македонија, каде е прикажана збирката на информации за разните инструменти во записите на историчарите, во фреските, иконите и резбите во црквите и манастирите, и во народните песни и преданија. Во книгата се толкува за проучувањето за народните инструменти и нивниот опис, каде е вметнато визуелно прикажување на инструментите преку слики и цртежи илустрирани од Ѓорѓи Здравев.

Историјата на инструментите[уреди | уреди извор]

Пред описите на инструментите се зборува за податоците од историчари и хроничари, со најран запис од Сидониј Аполинариј (датирајки од V век), каде кралот Теодорик му дава предност на гудачкиот инструмент „фидес“ над сите други инструменти. Исто така се споменува дека инструментите се појавуваат и во фрески и икони, а во поново време (XIX век - први 3 децении на XX век) повеќето дела спомнуваат едни инструменти, а поретко се спомнувале чалгаџииските и детските инструменти. Целта на оваа книга е да го опиши мнозинството инструменти во територијата на тогашната СР Македонија.