Кристофер Паолини

Од Википедија — слободната енциклопедија
Прејди на: содржини, барај
Кристофер Паолини
Christopher Paolini - Lucca Comics and Games 2012.JPG
Роден 17 ноември 1983 (1983-11-17) (30 г.)
Парадајс Вали, Монтана, САД
Занимање Писател
Националност Американец
Значајни дела Циклусот Наследство

Потпис
Портал
http://www.alagaesia.com/

Кристофер Паолини (англиски: Christopher Paolini) (роден на 17 ноември 1983 во Јужна Калифорнија) е американски романсиер. Тој е најдобро познат како автор на циклусот „Наследство“, којшто се содржи од неговите книги „Ерагон“, „Првородениот“, „Brisingr“ и моментално непознатата четврта книга. Тој живее во Парадајс Вали, Монтана, каде што ја напиша својата прва книга.

Биографија[уреди]

Кристофер Паолини пораснал во Парадајс Вали, Монтана. Неговата фамилија е составена од негвите родители, Кенет Паолин и Талита Хоџкинсон, и неговата сестра, Анџела Паолини.[1] Домашно образован за време на неговото школување, Паолини дипломирал во средно училиште на 15 години преку сет од акредитирани кореспондни курсеви од Американското училиште за кореспондација во Лансинг, Илиноис. По завршувањето на училиштето, тој започнува да работи на она што ќе стане романот „Ерагон“, првиот дел од серијалот, сместен во мистичната земја Алагезија.

Во 2002 година, „Ерагон“ беше објавен од страна на Паолини Интернационал LLC, компанијата на родителите на Паолини. За да ја промовира книгата, Паолини тргна на турнеја низ 135 училишта и библиотеки, дискутирајќи на теми какви што се читање и пишување, за сето време облечен во „средновековен костум составен од црвена кошула, брановити црни панталони, чипкови чизми и весела црна капа“.[1] Паолини ја создаде корицата за првото издание на „Ерагон“, на која беше претставено окото на Сафира. Тој исто така ја нацрта картата за внатрешниот дел на книгата.[2]

Летото 2002 година, посинокот на авторот Карл Хајсен го нашол Ерагон во книжарница и се вљубил во книгата, а Хајсен му го привлекол вниманието со неа на неговиот издавач, Алфред А. Кнопф.[3][4] Кнопф веднаш направил понуда да го објави „Ерагон“ и останатиот дел од циклусот „Наследство“. Второто издание на Ерагон беше објавено од страна на Кнопф во август 2003 година. На деветнаесет годишна возраст, Паолини стана најдобро продаван автор на Њујорк Тајмс.[5] „Ерагон“ од тогаш е адаптиран во филм со истото име.

Есејот на Паолини „Се започна со книги“ беше вклучен во априлската антологија од 2005 година на списанието Момчиња пишуваат за момчиња.

Првородениот“, продолжението на „Ерагон“ беше објавен на 23 август, 2005 година. Третата книга во циклусот, „Брисингр“ беше објавена на 20 септември, 2008 година.[6] Иако циклусто Наследство беше планиран да биде трилогија, деталите за Brisingr мораа да бидат проширени за да вклучат четврта книга, која сè уште не е именувана.[7]

До денес, циклусoт „Наследство“ има продадено повеќе од 20 милиони копии.[8]

Влијанија[уреди]

Литературната инспирација на Паолини ги вклучува делата на Џ. Р. Р. Толкин, Е. Р. Едисон и авторот на епската поема „Беовулф“.[3] Паолини рече дека Ерагон бил „специјално инспириран“ од делото на Брус Ковајл. Други литературни влијанија ги вклучуваат делата на Дејвид Едингс, Андре Нортон, Брајан Џек, Ен Мекафри, Рејмонд Е. Фејст, Мервин Пик, Урсула К. Ле Гвин и Френк Херберт.[9] Други омилени автори му се Џејн Јолен,[1] Филип Пулман[9] и Гарт Никс.[3]

Природата има големо влијание во делата на Паолини. Во интервју со Филип Пулман и Тамора Пирс, Паолини рече дека Парадајс Вали, Монтана е „еден од главните извори“ на неговата инспирација.[10]

Во книгата „Првородениот“, паолини ги опишува неговите самовилјаци како вегетаријанци. Кога го прашаа за неговиот начин на исхрана, Паолини одговори: „Не, не сум вегетаријанец, иако тежнеам кон тој правец“.[11]

Во благодарностите на „Брисинг“, Паолини се заблагодари за влијанието од страна на Леон и Хироко Каперовата „Ковањето на јапонскиот меч“ за неговиот опис на ковањето на мечот на Ерагон.[12]

Наводи[уреди]

  1. 1,0 1,1 1,2 The Author. Alagaesia.com. Проверено на 2007-10-30.
  2. Paolini, C., Eragon, Paolini International LLC, 2002.
  3. 3,0 3,1 3,2 Spring, Kit. „Elf and efficiency (Interview)“, „Guardian Unlimited“, 25 јануари, 2004 (конс. 13 септември 2007).
  4. David Welch (29 септември, 2005). A Kinder, Gentler Carl Hiaasen, Still Pissing People Off Powells.com. Проверено на 2008-01-20.
  5. Liz Rosenberg (16 ноември, 2003). 'Eragon': The Egg and Him. NYTimes.com. Проверено на 2007-10-30.
  6. Press release (16 јануари, 2008). Random House Проверено на 2008-01-16.
  7. Press release (30 октомври, 2007). Random House Проверено на 2007-10-30.
  8. „Interview with Christopher Paolini“. The Author Hour. 21 јануари 2009. http://www.theauthorhour.com/christopher-paolini. 
  9. 9,0 9,1 Talita Paolini Christopher Paolini Q&A Shurtugal.com. Проверено на 2008-01-20.
  10. Dave Welch (October 2003). News: Philip Pullman, Tamora Pierce, and Christopher Paolini Talk Fantasy Fiction Alagaesia.com. Проверено на 2008-01-20.
  11. Christopher Paolini. Talking Trilogy Alagaesia.com. Проверено на 2008-01-20.
  12. Паолини, Кристофер (20 септември, 2008). „Acknowledgments“ (Тврда корица). „Брисингр“ (прво издание). Њујорк: Алфред А. Кнопф. стр. 761. ISBN 0375826726. 

Надворешни врски[уреди]