Клаудија Шифер

Од Википедија — слободната енциклопедија
Клаудија на Кански филмски фестивал

Клаудија Шифер (родена на 25 август 1970), е германски модел и креативен директор на сопствениот бренд на облека. Шифер ја зголеми својата популарност и стана сопственичко име за време на првата половина на 1990-тите, како една од најуспешните модели. Во почетокот на нејзината кариера, се зборуваше дека личи на Брижит Бардо. Таа се појави на повеќе од 700 насловни страни на списанија и продолжи да предводи глобални кампањи за луксузни модни куќи и парфеми. Во 2002, „Форбс“ ја процени нејзината заработка на околу 55 милиони американски долари (38 милиони фунти).

Животопис[уреди | уреди извор]

Шифер е родена во Рајнберг, Северна Рајна-Вестфалија, Западна Германија, мало гратче кое е оддалечено 15 километри од Дујсбург. Таа е ќерка на Гудрун и Хаjнц Шифер, адвокат. Има двајца браќа, Стефан и Андреас, и една сестра Ен Каролин. Таа изјави дека била популарна во средно училиште, но бидејќи била многу висока, станала срамежлива и не сакала да биде забележана. Била предмет на љубомора од страна на другите, бидејќи потекнува од богато и добро познато семејство. Шифер течно зборува три јазици – германски, англиски и француски.

Најпрво таа сакала да стане адвокат и работела во адвокатската канцеларија на татко и. Подоцна ја напушти оваа работа, кога во октомври 1987 во една дискотека на 17-годишна возраст ја забележал Мајкл Леватон, шеф на моднта агенција Метрополитан, кој ја ангажира како модел.

Откако го заврши своето образование почна да работи како модел. Одлета во Париз за фото сесија и откако беше добро прифатена во Париз, наскоро се појави на насловната страна на француското списание „Ел“. Во почетокот на 1990-тите таа почна да работи во високо рангираната „Гес“ кампања на фармерки. Пол Марчиано изјави во „Форбс“ дека таа е во Топ 15 најуспешните супермодели. Името „Гес“ стана многу попопуларно низ светот благодарение на Клаудија. Откако се појави во уште неколку други списанија на насловна страна, вклучувајќи и насловната на британскиот „Вог“, сликана од Херб Ритс, Шифер набргу се здоби со титула на супермодел и беше избрана од страна на Карл Лагерфелд да стане новото заштитно лице на „Шанел“. Таа стана светски позната, веднаш препознатлива по нејзините сини очи, руса коса и височина од 1,81 метар. Во ноември 1999, Шифер се појави на насловната на „Вог“, како една од „модерните музи“. Именувана како една од најубавите жени во светот, нејзината можност да апелира до глобалните гледачи, направи успешна кариера која трае повеќе од 25 години. Шифер беше првиот модел кој се појави на насловна страница на „Венити Фер“, „Ролинг Стоун“, „Њујорк Тајмс“ и „Пипл“, и повеќепати се појави на насловните страници на „Вог“, „Харперс Базар“, „Ел“, „Космополитан“ и „Тајм“. Шифер се појави на модна писта за многу модни куќи, вклучувајќи ги Версаче, Ив Сен Лорен, Долче и Габана, Шанел и Валентино. Како што потпиша со луксузни брендови, Шифер се појави како заштитно лице на трговците на големите улици како Манго, Аксесорајз, и за првпат стави пирс на увото специјално за кампањата на Аксесорајз 2006 есен/зима. Исто така настапи во реклами за ''Пепси'' и ''Фанта''. Од нејзиното појавување за рекламата на Ситроен, таа заработи 3 милиони фунти. Шифер сè уште има договор со ''Лореал'' и е еден од нивните гласници која останала најдолго. Карл Лагерфелд ја фотографираше Шифер за кампања на „Дон Перињон“, 17 години по нејзиното прво појавување за „Шанел“. Шифер се појави во последните кампањи за Шанел, Ив Сен Лорен, Салваторе Ферагамо и Долче и Габана. Неодамна се појави како заштитно лице на кампањата за очила на „Шанел“. Таа има потпишано со неколку агенции исклучиво заради нејзините интереси во моделирање, вклучувајќи ги групацијата Д Менаџмент во Милан, 1/Еден Менаџмент во Њујорк и Мерилинс во Париз. Нејзина матична агенција е Модел Менаџмент во Хамбург. Шифер беше судија на Фешн Фринџ 2011. Во 2012, таа повторно позираше за црно-бели реклами на Гес, со што ја обележа 30 годишнината на брендот. Шифер ја лансираше својата кашмир колекција за време на модната недела во Париз во март 2011. Колекцијата глобално се продава го стоковните продавници и бутици. Шифер е креативниот директор на брандот.

Медиумски настапи[уреди | уреди извор]

Шифер се појави во голем број на филмови и музички спотови. Нејзиното прво појавување во филм беше во детскиот филм „Ричи Рич“ во 1994, а потоа глумеше со Денис Хопер и Метју Модин во „Помрачување“. Потоа се појави во „Пријатели и Љубовници“, „Црно и Бело“ во 1999, „Во потрага по живот без Дик“ во 2001, а потоа кратко се појавува и во „Всушност Љубов“. Шифер се појавува кратко и во други филмови вклучувајќи го и филмот на Бен Стилер Зулендер во 2001. Таа се појави во неколку телевиски шоуа како Шоуто на Опра Винфри, Кралот Лери во живо, Лејт Најт Шоу со Дејвид Летерман, Лејт Најт со Конан О’Брајан и комичното шоу Дарма и Грег и Арестед Девелопмент.

Шифер има издадено четири видеа за вежбање, насловени како „Совршена форма со Клаудија Шифер“, кои беа успешни и достигнаа како најдобри на листата за продавање. Таа беше домаќин на доделувањето на наградите на Париска Мода и на светските музички награди во Монако. Со другите модели, како Кристи Турлингтон, Наоми Кемпбел и Ел Мекферсон, Шифер беа заеднички сопственик на синџир на ресторани наречени Фешн Кафе во 1995. Таа остана истакната фигура во германското општество и му помогна на Пеле да го претстават и носат трофејот за време на церомонијата за отворање на Светскиот Куп во 2006. Шифер исто така го претстави принцот Вилијам со поло трофеј во 2002. Кога сме кај професијата на модел, неодамна таа рече: „Супермодели, какви што бевме некогаш, веќе не постојат“.

Приватен живот[уреди | уреди извор]

Откако ја започна својата кариера, беше во романтична врска со голем број познати личности како Бон Џови, гитаристот Ричи Самбора, кнезот на Монако, Алберт III и пејачот Питер Габриел. Беше верена околу 5 години со маѓионичарот Дејвид Коперфилд, од 1994 до 1999. Тие првпат се сретнале во 1993 во едно од шоуата на Коперфилд во Германија, каде Клаудија беше поканета на сцената со цел да биде дел од неговата летачка илузија. Додека тие беа верени, Клаудија понекогаш се појавуваше на сцената со Коперфилд, како негов специјален гостин кој му помага во бројни илузии. Во 1997, Коперфилд и Шифер го тужија списанието „Париз Меч“, бидејќи објавија дека нивната врска е само трик, дека Шифер е платена за да се преправа како свршеница на Коперфилд и дека воопшто тој не и се допаѓа. Откако францускиот суд пресуди дека приказната во списанието е лажна, Шифер освои непозната сума и истата беше повлечена од страна на „Париз Меч“. Новинарот на Коперфилд потврди дека додека Шифер имаше договор да се појавува на сцената во шоуто на Коперфилд во Берлин, каде што тие се сретнаа, не беше под договор таа да биде „сопруга“. По разделувањето со Коперфилд, таа имаше кратка врска со дилер на уметнички дела Тим Џеферис. На 25 мај 2002 година, таа се венча со филмскиот режисер Метју Вон во Сафолк. Шифер и Вон имаат три деца: синот Каспар Метју (роден на 30 јануари 2003 година, Вестминстер, Лондон), ќерка Клементин Пупи (родена на 11 ноември 2004 година, Вестминстер), и уште една ќерка Козима Виолет (родена на 14 мај 2010). Шифер имаше два значајни проблеми со малтретирање во минатото. Во 2002, еден италијански вратар на кујна беше уапсен откако 5 пати го посети Колдхам Хол, дворец во близина на Бури Сеинт Едмундс, Сафолк кој вреди 5 милиони фунти, обидувајќи се да ја види неа. Обвинувањата против него беа повлечени откако беше префрлен во одделот за ментално здравје. Тој веруваше во тоа дека Папата му рекол да се омажи со Шифер. Во 2004, човек од Канада беше обвинет за малтретирање на Шифер, исто така во дворецот во Сафолк. Ја повикуваше во нејзиниот дворец со надеж дека ќе ја види. Тој исто така постојано и оставаше писма во нејзиниот дом. Во 2006, Шифер и нејзиниот сопруг двапати беа испрашувани од страна на полицајци од локалната Сафолк станица, по бројот на инциденти кој ги вклучува и нивните две кучиња, ирски волчјак и германски овчар, и локални луѓе кои ја користат јавната патека за пешаци низ дворот во нивниот дом Колдхам Хол. Ова исто така го вклучува и Џек Расел, кој се движел по патеката, бркајќи елени на имотот, застрашувајќи луѓе на патеката и гризнал еден од локалните поштари.

Надворешни врски[уреди | уреди извор]