Искра Божиновска
| Искра Божиновска | ||
| Родена | Искра Божиновска 18 јуни 1947 Скопје, СФРЈ (денес Македонија) | |
|---|---|---|
| Националност | Македонка | |
| Занимање | оперска пејачка | |
Искра Божиновска (Скопје, 18 јуни 1947) — македонска оперска пејачка (сопран).
Животопис[уреди | уреди извор]
Родена е во Скопје на 18 јуни 1947 година. Во 1970 година дипломирала соло-пеење на Факултетот за музичка уметност во Скопје во класата на професорот Коста Трпков. Во периодот од 1970 до 1992 година работела како солист во операта и балетот на МНТ, а во периодот од 1989 до 1990 година биле и директор. Се преселила во Австрија, а потоа и во Австралија, каде што се занимава со педагошка дејност и хорско пеење.[1]
Божиновска располага со пријатен глас, естраден шарм и уверлива сценска игра. Гостувала на неколку оперски сцени во земјите од поранешна Југославија, како и во Германија, Италија и Канада.[1]
Улоги[уреди | уреди извор]
На оперската сцена на МНТ остварила повеќе од 25 помали и поголеми улоги, меѓу кои:[1]
- Аида во „Аида“;
- Евридика во „Орфеј и Евридика“;
- Елизабета во „Дон Карлос“;
- Јарославна во „Кнез Игор“;
- Мими во „Боеми“;
- Леонора во „Трубадур“;
- Татјана во „Евгениј Онегин“; и
- Симка во „Разделба“.
Наводи[уреди | уреди извор]
- ↑ 1,0 1,1 1,2 Македонска енциклопедија. I (I. изд.). Скопје: МАНУ. стр. 183-184. ISBN 978-608-203-024-1.