Втора македонско-римска војна

Втора Македонско-римска Војна
Дел од серијалот за Македонско-римските војни
Беломорското приморје, околу 200 п.н.е
Датум: 200 п.н.е. - 197 п.н.е. Место: Македонија, Тесалија Исход: Победа на Римската Република
Завојувани страни
Римска Република Пергамон Родос	Македонија
Војсководци
Титус Фламиниус	Филип V

Втората Македонско-римска Војна траела од 200 п.н.е. до 197 п.н.е. Војната се одвивала помеѓу Македонија предводена од македонскиот крал Филип V и Римската Република. Била создадена антимакедонска коалиција, во која учествувале елинистичките држави Пергамон, Родос и други.

Во 201 п.н.е., амбасадори од Пергамон и Родос поднеле докази пред Римскиот сенат дека Филип V и Селевкидскиот цар Антиох III потпишале пакт за ненапаѓање. Иако некои учени сметаат дека овој „таен договор“ бил измислен од Пергамон и Родос, ова предизвикало Римјаните да ја започнат таканаречената Втора македонско-римска војна, со помош на грчки сојузници. Ова бил нерешавачки судир сѐ до римската победа во битката кај Киноскефали во 197 п.н.е. По Темпејскиот мировен договор, на Филип V му било забрането да се меша во работите на своите соседи, услов до кој се држел до крајот на животот. Во 194 п.н.е. Римјаните ја прогласиле Грција за „слободна“, и сосема се повлекле од Балканот. Изгледало дека Рим немал повеќе интереси во регионот.

Иако римјаните прогласиле слобода на грците војната ја зацврстила позицијата на Рим на територијата на источниот Медитеран и била предуслов за освојување на целиот реагион.