Бретонски јазик

Бретонски јазик Brezhoneg
Изговор:	bɾe.ˈzõː.nɛk
Зборуван во:	Франција
Регион:	Бретања
Вкупно говорници:	—
Јазично семејство:	индоевропско  Келтски   Бретонски јазик
Писмо:	Бретонска азбука
Јазични кодови
ISO 639-1:	br
ISO 639-2:	bre
ISO 639-3:	bre

Бретонскиот јазик (на бретонски Brezhoneg) спаѓа во групата на келтските јазици од британската група, и е зборуван од страна на околу 300 000 луѓе претежно во Франција, главно во регионот Бретања.

Историја

И покрај тоа што бретонскиот јазик е многу близок со јазикот на галите, сепак тој се разликува во големи мери од него. Освен со галскиот, бретонскиот јазик е многу близок и со келтските јазици кои се зборуваат на територијата на денешна Велика Британија и Ирска. Ова се должи на распаѓањето на Римската империја и отселувањето на келтите од островот.

Бретонскиот јазик е основен јазик во областа Бретања сè до 12 век. По 12 век, овој јазик сè повеќе започнал да биде заменуван со францускиот јазик и бретонскиот постепено започнал да исчезнува. Во 1930 година бретонскиот јазик бил зборуван од страна на 1 300 000 жители. Кога во 1532 година, Бретања попаднала под француска власт, бретонскиот јазик останал како малцински. Во тоа време било дозволено официјално да се употребува било кој малцински јазик во Франција. Но, по Француската револуција, францускиот јазик се наложил како единствен и на тој начин бретонскиот постепено се отфрлил од официјалната употреба во Бретања. Во почетокот на 20 век, половина од населението на Бретања го знаеле и зборувале бретонскиот јазик, а по 1950 година нивниот број започнал да се намалува. Така, денес бретонскиот јазик е зборуван од страна на 500 000 луѓе.

Дијалекти

Основните дијалекти на бретонскиот јазик се::

•Керневски (Kerneveg, фр. Cornouaillais) - основен, зборуван од страна на 41% од бретонците. Се зборува во регионот околу Кемпер (Quimper).

•Леонски (Leoneg, фр. Léonais) – кој се зборува во регионот околу Финистер.

•Трегерски (Tregerieg, фр. Trégorrois) – кој се зборува во регионот на Трегер

•Гвенедски или Вански (Gwenedeg, фр. Vannetais) – кој се зборува во регионот на Ван (Gwened, Vannes)

Примери

Двојазични патокази во Кемпер, Бретања.

бретонски	македонски
degemer mat	добре дојде
deuet mat oc'h	вие сте добредојдени
Breizh	Бретања
brezhoneg	бретонски
ti, "ty"	куќа
ti-kêr	општина
kreiz-kêr	центар
da bep lec'h	сите страни
skol	училиште
skol-veur	универзитет
kenavo	пријатно
krampouezh	палачинки
chouchenn	бретонска медовина
yec'hed mat	На здравје!
war vor atao	секогаш на море
kouign amann	торта со многу путер и шеќер

Слични содржини

• Бретања
• Британски јазици
• Келтски јазици

Надворешни врски

• Регулаторно тело на бретонскиот јазик
• Речник на англиски јазик и бретонска граматика
• Preder.net
• On-line часови на бретонски јазик
• Статија за бретонскиот на Omniglot