Борживој I (чешки: Bořivoj I, латински: Borzivogius, околу 852 - околу 889) – првиот историски документиран војвода од Бохемија и предок на династијата Пшемисловци.[1] Се верува дека неговото владеење со Војводството Бохемија започнало во 870 година, но во тоа време Бохемија ѝ била подредена на Велика Моравија. Една од најважните индиции за приближното време на неговото стапување на власт е франкиската хроника од тоа време „Фулдски анали“, која споменува неколку западнословенски кнезови во 872 година, меѓу нив и еден Горивеј, кој може да биде идентичен со Борживој.
