Преглед на кодот на Црква „Св. Андреја“ - Матка

{{Инфокутија Македонски манастир
 |име =Свети Андреја
 |епархија=Скопска
 |намесништво=Скопско
 |место=Матка
 |слика = St.andrea crop.jpg
}}

'''Св. Андреја'''  — [[манастир]] до <!-- До езерото, покрај езерото, крај или нешто друго? -->езерото [[Матка (езеро)|Матка]], на 17&nbsp;км од [[Скопје]], во клисурата на реката [[Треска]]. Скриен е меѓу стрмните и високи карпи и претставува еден од ретките манастири во кој се зачувани повеќето натписи од времето на подигнувањето и живописувањето на црквата, значајни за нејзината историја. Посветен е на [[апостол Андреја]].

== Историја ==
Другиот син на кралот [[Волкашин]], [[Андреја (принц)|Андреја]], ја подигнал оваа црква во 1389 година. Фреските се дело на [[Митрополит Јован|митрополитот Јован]] (брат на познатиот иконописец [[Макариј]]) и [[јеромонах]]от Григориј, кои се потпишани во [[проскомидија]]та. Додека [[митрополит]]от е познат како [[зограф]] кој работел во околината на [[Прилеп]] (меѓу другото, ја има насликано иконата „[[Исус Христос Спасител и Животодавец]]“ за манастирот [[Зрзе]] во 1384 година), Григориј тука се јавува за првпат.

''„Тие ја продолжуваат традицијата на дворската иконографска школа.Оставајќи ги животите на [[Исус Христос|Христос]] и [[Богородица]], тие во фреските прво место им даваат на ликовите на [[воин]]ите, во раскошни воинствени одежди и со истакната мускулатура, необично добро насликана“''.

Во уметнички поглед овие [[фреска|фрески]], според зборовите на стручњаците, претставуваат новина во [[македонско средновековно сликарство|македонското средновековно сликарство]]. Сликарите тука јасно ја изразиле тенденцијата за решавање на некои основни сликарски проблеми во [[перспектива]] и во поставувањето на фреските во одреден простор. Меѓу фреските секако треба да и се обрне внимание на композицијата „Молитва на маслиновата гора", на јужниот ѕид од црквата.

Во натписот, северно од олтарната конха, испишани се имињата на зографите: митрополит Јован, [[зограф]] и монахот Григориј. Митрополитот Јован е познат уметник, кој работел со брата си Макариј во околината на [[Прилеп]]. Нивната дејност била сконцентрирана во манастирот „Св. Спас“ над селото [[Зрзе]], близу Прилеп, каде се појавуваат и како ктитори на црквата што ја подигнал нивниот дедо монахот Герман.

== Конструкција ==
Црквата Св. Андреја претставува комбинација на издолжен триконхос однатре и однадвор слободен крст. северната и јужната конха всушност се апсиди што ја имаат намената на певници, а третата конха на источната страна е олтарна [[апсида]], однадвор петострана. Над централниот простор се издигнува купола на пандантифи. Полукружните ниши, подредеми во два реда, една над друга, ја оживуваат надворешноста на оваа мала по димензии црква.

=== Живопис ===
Во внатрешноста живописот е распоредеен во три хоризонтални зони. Притоа, изборот на композициите е намален со оглед на ограничениот простор за живописување. Фреско-декорацијата се издвојува, со своите стилски и уметнички квалитет, како и иконографските особености, од останатите споменици подигнати во Македонија во тоа време. Зографот не се држи до традиционалната иконографска шема, бидејќи во живописот не се застапени ликовите на пустиниците, Христовите чуда, сцени од животот на [[Богородица]] итн. Тој ги прикажува темите со поголема јасност, природност и блискост до обичниот верник.

Лицата и фигурите на светите воини (светците Ѓорѓија, Димитрија, Теодор Тирон и Теодор Стратилат), прикажани во првата зона во цел раст, се претставени со животна сила и дејствуваат световно во својот израз.

Во средната зона, каде што се прикажани сцените од „Маките на Христа“, во работата на уметникот се забележува повеќе зрелост и инвентивност, а во некои од композициите се среетнуваме со теенденција и настојување за решавање на проблемот, перспектива и сместување на фигурите во одреден простор. Во композицијата "Молитва на Маслиновата гора", фигурата на еден од апостолите е компонирана на слободен начин, со скратување, што укажува на посебната смелост и талентираност на зографот од црквата „Св. Андреја“. Се истакнуваат и композициите: „Миење на нозете“, „[[Тајна вечера]]“, и „Симнување од крстот“.

=== Горна зона ===
Во горната зона се илустрирани сцени од циклусот на големите празници: „Раѓањето на Христос“, „Сретението“, „Крштевањето на Христос“ и други.

Зографот Јован ги предава ликовите во една силна изразеност, нагласена волуминозност, во жив колорит. Тој се нафаќа да решава сложени ставови и движења во композициите, веројатно и затоа што тој сигурно владеее со својата сликарска вештина. Тој ја збогатува, иста така, и позадината на сцените, сликајќи ја архитектурата и поместувајќи во неа и по некоја фигура (Тајна вечера). Ваквото толкување за неговата уметничка супериорност во однос на другите мајстори наоѓа одговор во работата на иконата „Исус Христос Спасител и Животодавец“ од [[1393]]/[[1394]] година од иконостасот на [[Манастир „Св. Преображение“ - Зрзе|манастирот во Зрзе]], која се зема како уметничко дело. Оваа икона се смета за продолжување на неговата уметност што е настаната во манастирот „Св. Андреја“.

=== Зографи кои работеле на фреско-живописот ===
Зографот Јован со работите врз фреско-живописот во „Св. Андреја“ ни се претставува како зрел и способен уметник, личност која што го издигнала ликовното творештво на повиоко ниво кон крајот на [[XIV век]]. Тој од една страна се враќа кон основните, проверени вредности и одлики на византиското сликарство, а од друга страна остава печат и на извесна оргиналност. Со смртта на митрополитот Јован, кој се смета за еден од најголемите сликари од ова време , настанува извесна празнина во уметничкиот живот на средниот век кај нас.

Единствени сликари кои го следеле уметничкиот пат на Јован, биле неговиот брат, јеромонахот Макариј, и неговиот соработник на фреските-монахот Григори.

Кон главната црква, во средината на [[XVI век]], е доѕидана припрата, во правоаголна основа, прекриена со полукружен свод. Според зачуваните остатоци од долгиот натпис, кој бил испишан на другата зона од источниот ѕид, припратата била живописана во [[1559]]/[[1560]] година. Живописот е зачуван главно на источниот ѕид. Тука е претставен Деисиз (Богородица, Христос на престол и Јован Претеча), апостолите Петар и Павле, сцени од Богоридичниот акатист и други.

Овој живопис се одликува со извесна монументалност, која не е одлика на сликарството од XVI век. Изгледа дека ктиторите настојувале новиот живопис од припратата да се урамнотежи со тој во наосот иако е очевидна временската разлика меѓу овие два живописа. Мајсторите зографи се истакнуваат со својата талеентираност и спремност, меѓутоа, тие не успеваат да го достигнат уметничкото ниво на нивните претходници - зографот, митрополит Јован и монахот Григориј.

==Галерија==
<gallery>
Податотека:St.Andrew of Matka from St.Nicolas.jpg|Поглед на црквата Свети Андреја од манастирот [[Манастир „Свети Никола Шишевски“|Свети Никола Шишевски]].
Податотека:St Andrew Monastery Macedonia.jpg|Поглед одблизу на црквата Свети Андреја.
File:Sv.Andreja-Matka-od-Markovi-Porti.jpg|Поглед на црквата Свети Андреја и вештачкото езеро Матка од месноста Маркови Порти.
File:Sv.Nikola i Sv.Andreja - Matka.JPG|Поглед на црквите Свети Никола и Свети Андреја во кањонот Матка.
File:Manastir vo Makedonija, stara slika.jpg|Стара слика од црквата.
</gallery>

== Надворешни врски ==
* [http://istoricar.blog.com.mk/node/36284 Историја на „Св. Андреја“, Матка] {{Семарх|url=https://web.archive.org/web/20070929093153/http://istoricar.blog.com.mk/node/36284 |date=2007-09-29 }}
* [http://www.kralemarko.org.mk/default-mk.asp?ItemID=A3EA8398D0E1C94E8DFCEEBC56AE0342 Манастир Свети Андреа, Матка, Скопје] - опширна статија со обемна историја

{{КНМ-Сарај}}

{{ОСНОВНОПОДРЕДУВАЊЕ:Андреја, Матка}}
[[Категорија:Матка (село)]]
[[Категорија:Дела на Дебарската школа]]