Преглед на кодот на Франсоа Рене де Шатобријан

{{Инфокутија Писател
| name = Франсоа Рене де Шатобријан
| image = François-René de Chateaubriand by Anne-Louis Girodet de Roucy Trioson.jpg
| imagesize = 230px
| alt = 
| caption = Портрет на Шатобријан.
| birth_date = {{birth date|1768|9|4|df=yes}}
| birth_place = [[Сен Мало]], [[Франција]]
| death_date = {{death date and age|1848|7|4|1768|9|4|df=yes}}
| death_place = [[Париз]], Франција
| occupation = политичар, дипломат, писател, историчар
| nationality = 
| education = 
| alma_mater = 
| notableworks = {{small |{{hlist |''[[Атала]]'' |''[[Гениј на христијанството]]'' |''[[Рене]]''}}}}
| genre = [[Романтизам]]
| subject = | influences = | influenced = | awards = | signature = | website = | portaldisp = 
|birth_name=François-René de Chateaubriand}}

'''Франсоа Рене де Шатобријан''' (француски: ''François-René de Chateaubriand'') ([[1768]]-[[1848]]) е француски [[политичар]], [[дипломат]], [[историчар]] и [[писател]] кој претставува предвесник на романтизмот во [[Франција]]. За неговото дело критичарите велат дека иако е во произволна форма, изобилува со многу [[поезија]], а жанровски се движи од [[лирски роман]], преку слабо изведени епопеи, до [[есеј]] и автобиографски белешки. Овој писател го интересираат три крупни теми: [[политика]]та, [[религија]]та и интензивното, роматичарско доживување на и соживување со природата, особено со новите, непознати светови. Сѐ што напишал Шатобријан (а најважни му се подолгите прозни дела ''[[Атала]]'' и ''[[Рене (книга)|Рене]]'') има силна автобиографска димензија. Како потомок на стара благородничка лоза, врзан за „Стариот Свет“ кој умира грчевито под налетите на новиот, капиталистички поредок, тој ќе се качи на брод за [[Америка]], во политичко прогонство. Петмесечниот престој во [[Филаделфија]] и посетата на [[Нијагарини Водопади|Нијагарините водопади]] кај него ќе ја разгори фантазијата по нови и непознати светови и предели (едно од темелните обележја на романтизмот, беше патувањето во егзотични и непознати места).<ref>Учебник по македонски јазик и литература за III година на реформираното гимназиско образование - стр.18</ref>

''[[Атала]]'' ([[1800 во книжевноста|1800]]) говори за младата ќерка на една [[Индија|индијка]] и еден [[Шпанци|шпанец]], која умира поради судирот меѓу сопствената страсна индиска крв и должностите што ги наметнува [[христијанство]]то. ''[[Рене (книга)|Рене]]'' ([[1802 во книжевноста|1802]]) е врзан автобиографски преку средбата на писателот со Новиот Свет ([[Америка]]), бидејќи главниот лик бега од [[Европа]] во прашумите на Новиот Свет, далеку од своето детство и од инцестуозната љубов кон сопствената сестра. Овде се открива една од идните омилени теми на романтизмот, забранетата љубов. ''[[Атала]]'' и ''[[Рене]]'' се исполнети со бројни страници во кои се слави единството со природата, која се возвишува како извор на непознатото, тајното, мистичното. Таа е мелем за страдалната душа на поетот-скитник, но и извор на бројни сознанија.<ref>Учебник по македонски јазик и литература за III година на реформираното гимназиско образование - стр.18/19</ref>
Неговите сентиментални патувања, љубовните авантури и неговите јавни дејствувања, со внимание и одушевување ги следи цела Франција, амладите луѓе се обидуваат да личат на неговиот Рене, тој идеализиран негов автопортрет, како што германската младина го имитирала [[Страдањата на младиот Вертер|Вертер]] на [[Гете]]<ref>[[Паскал Гилевски]], [[Раде Силјан]], Романтизам, Матица Македонска, Скопје, 2004, стр. 165.</ref>.

Многумина сметаат дека со делата на Шатобријан се раѓа француската романтичарска проза. Во нив доминира чувството на „светската тага“. По Шатобријан романтичарскиот лик е вечен патник без дом, аналитичар на душата, записничар на страстите на срцето, човек на природата и противник на општеството и неговата студена немилосрдност кон сите слободи што срцето ги посакува, а разумот ги забранува.<ref>Учебник по македонски јазик и литература за III година на реформираното гимназиско образование - стр. 19</ref> [[Гете]] го оценил Шатобријан како многу значаен [[Реторика|реторско]]-поетски талент и сметал дека тој извршил големо влијание врз поезијата на [[Виктор Иго|Иго]].<ref>J. P. Ekerman, ''Razgovori sa Geteom: Poslednjih godina njegova života''. Beograd: Rad, 1960, стр. 66.</ref>

== Наводи ==
{{наводи}}

{{Нормативна контрола}}

{{ОСНОВНОПОДРЕДУВАЊЕ:Шатобријан, Франсоа Рене де}}
[[Категорија:Француски писатели]]
[[Категорија:Родени во 1768 година]]
[[Категорија:Починати во 1848 година]]
[[Категорија:Носители на прускиот Орден за заслуги (граѓански)]]
[[Категорија:Членови на Француската академија]]
[[Категорија:Починати во Париз]]
[[Категорија:Членови на Баварската академија на науките]]
[[Категорија:Француски мемоаристи]]
[[Категорија:Христијански апологети]]