DDoS

DDoS Напади

Како што е веќе добро познато постојат најразлични типови на компјутерски напади кои во повеќето случаи завршуваат фатално за вашиот компјутер, уште пофатално би било доколку се работи за некој голем сервер.

Еден тип на овие софтверски напади е наречен DDoS (Distributed Denial of Service). DDOS-от е откриен многу подоцна од другите напади и е еден од најмоќните софтверски напади што досега воопшто е откриен.

Со DDoS напади биле некулку пати дисконектирани и опслужувачите на најголемите светски веб страници, како што се yahoo, ebay, amazon, cnn и многу други. Овој тип на напад е најнепредвидлив и затоа е многу тешко да се сопре, бидејќи хакерите користат некулку стотици или многу повеке предходно инфектирани компјутери кои ги имаат под своја контрола и ја користат нивната моќ односно ја користат нивната интернет конекција напаѓајќи некој голем веб опслужувач или само обичен компјутер.Тие го прават тоа така што ја пингираат (ping) жртвата од сите компјутери кои ги имаат под своја контрола во исто време.Тоа го прават со посебен софтвер којшто генерира огромни побарувања на податоци од компјутерот/серверот.Пингирањето на некоја жртва со толку голема интернет конекција ќе доведе до преоптоварување на капацитетот на мрежата (buffer overflow) на конкретниот опслужувач или компјутер што е жртва на овој напад, по што се разбира ќе следи и пад на целиот систем.

Една од мерките која ја користат големите компании за да се заштитат од ваков тип на напад е инсталација на специјализиран софтвер што го контролира протокот на податоци.Односно доколку една IP адреса побарува (request) многу повеќе податоци од лимитот кој е зададен, софтверот автоматски го прекинува протокот на податоци кон таа IP адреса сè додека побарувањето не падне под нормалата.