Преглед на кодот на Опашка

[[File:Cub Stalks Tail.jpg|thumb|Опашка од [[лав]]]]
'''Опашката''' е дел од задниот крај на телото на [[животни]]те; општо, терминот се однесува на посебен, флексибилен додаток на [[торзо]]то. Тоа е дел од телото кој одговара приближно на крстот и опашната коска кај [[цицачи]]те, [[рептил]]ите и [[птици]]те. Опашката, првенствено е одлика на [[’рбетници]]те и некои [[безрбетници]], вклучувајќи ги и [[скорпија|скорпиите]], [[полжав]]ите или голите полжави кои имаат додаток што наликува на опашка.

==Функции на опашката==
[[File:Alopex lagopus IMG 9019.JPG|thumb|''Alopex lagopus'', арктичка лисица спие покриена со опашката како со ќебе]]
Опашките се користат на различни начини и во различна функција. Тие обезбедуваат движење за [[риби]]те и некои други форми на морски животни. Многу копнени животни ја користат опашката за бркање муви и други инсекти што ги гризат. Некои видови, пак, вклучувајќи ги [[мачка|мачките]] и [[кенгур]]ите, ги користат своите опашки за рамнотежа, а други, како на пример, [[мајмун]]ите ги користат за фаќање и држање за гранките.

Опашките, исто така, се користат за социјална сигнализација. Некои видови [[елен]]и блеснуваат со белото на долната страна на опашката за да ги предупредат другите елени што се во близина на можна опасност. Кучињата, пак, со својата опашка покажуваат емоции. 
И структурата на опашките е различна. Кај некои видови, таа е оклопна, а кај некои дури и отровна (кај скорпиите).

Некои видови [[гуштер]]и можат да ја „откачат“ својата опашка од телото. Ова може да им помогне да избегаат од [[грабливци]]те, кои се или расеани од прпелкањето на одвоената опашка, или да останат само со опашката како плен, а гуштерот да избега. Обично, отфрлениот дел од опашката на гуштерите повторно им расте, но бојата на новата опашка е потемна.

Опашките на повеќето птици завршуваат со долги [[пердув]]и кои се викаат ректрични. Тие се користат како кормило, помагајќи ѝ на птицата да се насочи и да управува со [[птичји лет|летот]], а, исто така, им помогаат на птиците да балансираат, кога се перчат на гранки. Кај некои видови, како што се рајските птици, а особено [[паун]]ите, пердувите на опашката играат важна улога во [[свадбен танц|додворувачките]] прикази. 
Кај некои видови, опашките се особено вкочанети, како кај [[клукајдрвести|клукајдрвците]], што им овозможува цврста потпора на дрвјата.

Опашките на тревопасните животни, како коњите, на пример, се користат за двете работи, и за бркање инсекти, и за покажување емоции.

==Видови==
* кратка - опашката на зајаците и елените;
* за фаќање - опашка која служи за фаќањеми држење за објекти, како оние на мајмуните, глувците и змиите.

==Човечки опашки==
Човековиот ембрион има опашка која е една шестина од големината на ембрионот.<ref>{{наведени вести | first= | last= | coauthors= | title=Human fetuses have tails, proving that evolution is true | date=July 5, 2005 | publisher= | url=http://fredericksburg.com/News/FLS/2005/072005/07052005/109580 | work=[[The Free Lance-Star]] | pages= | accessdate=2009-04-28 | language= | archive-date=2012-07-11 | archive-url=https://archive.today/20120711222801/http://fredericksburg.com/News/FLS/2005/072005/07052005/109580 | url-status=dead }}</ref> Како што ембрионот се развива во фетус, опашката се апсорбира од растечкото тело. Па така, опашката станува атрофиран дел од телото.<ref>{{наведени вести | first= | last= | coauthors= | title=Human tail–caudal appendage: tethered cord |date=February 1, 2008| publisher= | url =http://www.nature.com/jp/journal/v28/n7/full/jp200839a.html | work =Nature (journal) | pages = | accessdate = 2009-04-28 | language = }}</ref><ref>{{наведени вести | first= | last= | coauthors= | title=The 'human tail' causing tethered cervical cord |date=November 14, 2006 | publisher= | url=http://www.nature.com/sc/journal/v45/n8/full/3101988a.html | work =Nature (journal) | pages = | accessdate = 2009-04-28 | language = }}</ref> Не многу често, но се случува бебе да се роди со „мека опашка“, која не содржи пршлени, туку само [[крвни садови]], [[мускули]] и [[нерви]], но има и неколку документирани случаи опашките да содржат [['рскавица]] или до пет пршлени.<ref>{{cite doi|10.1111/j.1525-1470.1995.tb00174.x}}</ref>

Луѓето имаат „опашна коска“ како дел од карлицата, формирана од сплотени [[прешлен]]и, обично четири, на дното на [[’рбетен столб|’рбетниот столб]]. Таа не е излегува нанадвор.

== Во фолклорот ==
* Јапонците имаат традиција дека некои животни може да станат духови со стекнување дополнителни опашки и на тој начин се здобијат со натприродни моќи;
* во некои делови на светот опашката од вол се користи од страна на шаманите за имплементација на благословувачките ритуали; 
* суеверието прикажано во постарите цртани филмови вели дека истурањето сол на опашката на птица ќе ја спречи да лета;
* во холандскиот јазик, знакот @ се нарекува ''Apenstaartje'', буквално преведено како мајмунска опашка, а во македонскиот се нарекува мајмунче;
* во Македонија, малите дечиња се подлажуваат со суеверието дека ако пијат кафе, ќе им порасне опашка.

==Галерија==
<gallery>
File:Scorpion tail.jpg|[[Скорпија]]
File:Pig tail DSC03974.jpg|[[Свиња]] (''Sus domestica'')
File:Queue glyptodon museum dijo.jpg|(''Glyptodon asper'')
File:Lactoria cornuta (cola).006 - Aquarium Finisterrae.JPG|(''Lactoria cornuta'')
File:La Palmyre 041-crop.jpg|(''Equus grevyi'')
File:Polo pony taped.jpg|(''Equus ferus caballus'')
File:Alligator Tail.jpg|(''Alligator mississipiensis'')
File:Flusspferd Backstage.JPG|[[Нилски коњ]] (''Hippopotamus amphibius'')
</gallery>

==Наводи==
{{рв|Tails}}
<references/>

[[Категорија:Анатомија на животните]]