Фонд за пензиско и инвалидско осигурување на Македонија

Од Википедија — слободната енциклопедија
Прејди на прегледникот Прејди на пребарувањето
Фонд за пензиско и инвалидско осигурување на Македонија
Податоци за органот
Основан 1991
Седиште Скопје, Македонија Македонија
Вработени 648[1] (2015)
Раководител Шаип Зенељи
(Директор)
Мрежно место
piom.com.mk

Фондот за пензиско и инвалидско осигурување на Македонија, го спроведува системот на пензиското и инвалидското осигурување на Македонија, кој од 1991 година е следбеник на поранешната Самоуправна интересна заедница на пензиското и инвалидското осигурување на Македонија.

Со Законот за пензиското и инвалидското осигурување на единствен начин се уредени правата од пензиското и инвалидско осигурување за сите осигуреници. Управните, финансиските, стручните, административните и другите работи во спроведувањето на пензиското и инвалидското осигурување на територијата на Република Македонија ги спроведува Стручната служба на Фондот, со Централа и подрачни единици.

Седиштето на Фондот е во Скопје.

Активности на Фондот[уреди | уреди извор]

Во Фондот на пензиското и инвалидското осигурување се остварува политиката на развојот на пензиското и инвалидско осигурување, се следат состојбите, се преземаат соодветни мерки за унапредување на системот на пензиското и инвалидско осигурување и за рационално користење на средствата потребни за обезбедување на правата од пензиското и инвалидско осигурување, се решаваат права за остварување старосна, инвалидска и семејна пензија, право на распоредување на друго соодветно место, право на соодветно вработување, право на преквалификација или доквалификација и право на соодветни парични надоместоци, право на паричен надоместок за телесно оштетување, право на најнизок износ на пензија и се врши исплата на пензии и други права од пензиското и инвалидско осигурување.

Финансии[уреди | уреди извор]

Вкупните приходи на Фондот во 2017 година изнесувале 65.319,96 милион денари, од кои изворните приходи биле 35.613,90 милиони денари, а 28.457,03 милиони денари биле трансфер од Буџетот на Република Макединија. Вкупните расходи на Фондот во 2017 година биле 65.148,94 милиони денари.[2]

Наводи[уреди | уреди извор]

  1. „Извештај за следењето на примената на начелото на соодветна и правична застапеност за 2015 година“ (PDF). Народен правобранител на Република Македонија. јуни 2016. конс. 2017-03-10. 
  2. Финансии, ПИОМ