Тора Куле
Тора Куле Нилсон (1849–1939) била шведски текстилен уметник, се специјализирала во ткаење. Во 1880 година, заедно со нејзиниот зет, таа отворила училиште за ткаење во Лунд, кое се развило во текстилен малопродажен бизнис со неколку филијали, вклучително и една во Стокхолм. Нејзината работа привлекла значително внимание на Нордиската изложбаво Копенхаген во 1888 година. На Светскиот саем во Париз во 1900 година, таа била наградена со златен медал.[1][2][3]
Биографија[уреди | уреди извор]
Родена на 20 октомври 1849 година на фарма надвор од Лунд, Тора Куле била ќерка на Нилс Нилсон, фармер и сопственик на фабрика, и неговата сопруга Хана Акесдотер. Таа била едно од девет деца. Се школувала во Лунд во училиште кое го раководела госпоѓицата Дарин, каде покрај вообичаените предмети, се предавало и за ракотворби. Во 1973 година се омажила за Ларс Леандер Куле со кого таа имала осум деца, од кои пет го преживеале детството. Тие се населиле на Лундовиот Бредгатан.
Заедно со Силуф Олсон и Бенгта Ескилсон, Куле студиралa ткаење во училиштето „Пријатели на ракотворбите“ во Лунд. Во 1879 година, заедно со нејзиниот зет, уметникот Јакоб Куле (кој помогнал во градењето на „Пријатели на ракотворбите“) основале нивно ткајачко училиште. Заедно тие развиле свој малопродажен текстилен бизнис со продавница во Лунд, продавајќи изработки произведени од оние кои тренирале во училиштето. Тие исто така се разграниле на различни локации, вклучително и продавница во Стокхолм.
Куле ги развивала своите вештини со текот на годините, извлекувајќи корист од интересот на нејзиниот зет за обновување на местото на цветните дизајни во шведските ткаенини. Тие цртале на текстилни дизајни кои преживеале во домовите на локалните селани, но генерално биле непознати. Таа успеала да собере околу илјада различни текстилни модели кои биле користени како основа за нивниот бизнис.
Тора Куле станала широко позната како резултат на нејзините придонеси на меѓународни изложби. Покрај изложбите во Шведска, таа учествувала на Нордиската изложба во Копенхаген во 1888 година и на Светскиот саем во Париз во 1900 година, каде што освоила златен медал.
Тора Куле починала на 12 октомври 1939 година во Лунд и е погребана во Нора Киркогарден во градот.
Наводи[уреди | уреди извор]
- ↑ Calagos, Birgitta (29 October 2020). „Thora Kulle“ (Swedish). Svenskt kvinnobiografiskt lexikon. Посетено на 16 November 2020.CS1-одржување: непрепознаен јазик (link)
- ↑ Benzon, Karl (13 June 1890). „Idun 1890-24“ (Swedish). Idun. Посетено на 16 November 2020.CS1-одржување: непрепознаен јазик (link)
- ↑ „Kulle, Nils Jacob“ (Norwegian). Nordisk familjebok. 1911. Посетено на 16 November 2020.CS1-одржување: непрепознаен јазик (link)