Сигрид Комбихен

Од Википедија — слободната енциклопедија
Сигрид Комбихен во 2010 година.

Сигрид Комбихен (родена на 16 јануари 1942 година) е шведски романописец, есеист, книжевен критичар и новинар.

Кариера[уреди | уреди извор]

Сигрид Комбихен е родена во Солинген на територијата на Рур). Набргу по војната, нејзиното семејство се преселило во Шведска.

Сигрид Комбихен дебитирала на осумнаесет годишна возраст со романот „ Ett rumsrent sällskap“, 1960 година. Се занимавала со новинарство и работела на академската диплома по новинарство пред да се врати во фикцијата седумнаесет години подоцна со романот I norra Europa (Во Северна Европа) и потоа Värme (Топлина) во 1980 година. Нејзиниот прв меѓународно реномиран роман е Бајрон, објавен во 1988 година. Книгата претставува слика на англискиот поет преку композициска промена помеѓу сегашноста и минатото, каде Бајрон е делумно илустриран од група ентузијасти на Бајрон од денес, делумно низ околината во негово време.[1] Следните години бил преведен на други јазици: англиски, германски, француски, шпански и холандски. Таа во период од дваесет години напишала три романи кои ја проучуваат промената на менталитетот во националниот живот. Користела теми на сага, како и фантазија во т.е. „Парсифал“ (1998), дистописки роман, црпејќи инспирација од средновековната приказна. Нејзиниот роман „Spill“ (Истури) 2010 година, бил преведен на многу јазици и му биле доделени повеќе награди, од кои најважна е Шведската августова награда за најдобар роман на годината. Нејзиниот последен роман „Сидони и Натали“ 2017 е приказна за двајца француски бегалци кои преживуваат на село во Шведска во периодот 1944-45 година. Наскоро треба да биде претставена во сценска верзија. Таа има напишано и неколку биографии, меѓу нив есеистички приказ за животот и делото на Кнут Хамсун. Таа била една од уредниците на списанието „ Allt om Böcker“ неколку години и била соработник на неколку други книжевни списанија и редовно на повеќе нови весници.

Помеѓу 2004 и 2017 година била наставник по творечко пишување на Лундскиот универзитет. Служела на повеќе одбори и комитети на шведски јазик, како и нордиски книжевни и академски организации.

Наводи[уреди | уреди извор]

  1. Sigrid Combüchen (норвешки) Store norske leksikon, retrieved 27 April 2013