Сент Лоренс (река)
 | Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
Сент Лоренс — голема северноамериканска река што тече од исток кон запад и ги поврзува Големите Езера со Атлантскиот Океан. Таа е најважниот воден пат од Големите Езера до Атлантикот, и претставува природна граница помеѓу Канада и САД.
Извира (истекува) на источниот крај од езерото Онтарио кај градот Кингстон, тече кон запад во должина од 1.197 км, и конечно се влева во Атлантикот формирајќи го најголемото устие на светот, наречено залив Сент Лоренс. На нејзините брегови се изградени многу населби, од кои најголеми се Монтреал и Квебек Сити во Канада.
По нејзиниот тек има два островски архипелази: Илјада Острови кај Кингстон, Онтарио и Хохелага кај Монтреал, и уште неколку поголеми острови.
Езерото Шамплејн, реките Отава, Ришелје и Сагуенај се влеваат во Сент Лоренс.
Заливот и реката Сент Лоренс биле појдовна точка за навлегување на Европските колонизатори во внатрешноста на Северноамериканскиот континент. Во почетокот, таа била пловна само до Монтреал, но подоцна е прокопан каналот Лашин кој овозможил пловидба сè до езерото Онтарио, и понатаму во областа на Големите езера. Денес, преку систем на канали, брани и порти, дури и прекуокеански бродови можат да пловат низ Сент Лоренс сè до езерото Супериор.
