Ригански црн балсам
 Ригански црн балсам | |
| Тип | Ликер |
|---|---|
| Производител | АД „Латвиски балсам“ |
| Земја на потекло | Латвија |
| Се појавил | 1742 |
| Алкохол по волумен | 45% |
| Степен | 90 |
| Боја | Темно кафеава |
| Матична страница | rigablack.com |
Ригански црн балсам (според стариот правопис познат и како: Ришки црн балсам; латвиски: Rīgas Melnais balzams) — традиционален латвиски растителен ликер направен од многу различни природни состојби измешани со чиста вотка, со што пијалакот има 45% алкохол во себе.[1] Може да се пие како таков, со коцки мраз или мешан со топли напитоци, како кафе или топло какао или измешан со сода-вода или газиран пијалак, или во некоја варијанта на коктели. Исто така, повремено се користи како додаток во сладолед. Самиот пијалак е црн и многу горчлив, но со различни вкусови.[2]
Риганскиот црн балсам е направен од АД „Латвиски балсам“. Традиционалниот рецепт во 1742 година бил создаден од Абрахам Кунце, аптекар кој живеел во Рига и има основа од 24 различни растенија, цвеќиња, пупки, сокови, корења, масла и бобинки. Се продава во рачно изработени керамички срчи.[1] Со време, риганскиот црн балсам станал познат и во странство, откако добил повеќе од 30 награди на меѓународните саеми.
Црниот балсам, исто така, се користи и во традиционалната медицина. Се смета дека е добро средство против настинка и се користи за ублажување на дигестивните проблеми.[1] Се прави во Рига од средината на XVIII век. Според легендата, царицата Катерина Велика од Русија, се разболела при нејзината посета на Латвија, но била излечена пиејќи ригански црн балсам.
Наводи[уреди | уреди извор]
- ↑ 1,0 1,1 1,2 Nutritional and Health Aspects of Food in Eastern Europe. Academic Press. 2021. стр. 177. ISBN 978-0-128-11734-7.
- ↑ Bitterman, Mark (2015). Bitterman's Field Guide to Bitters & Amari: 500 Bitters; 50 Amari; 123 Recipes for Cocktails, Food & Homemade Bitters. 2. Andrews McMeel Publishing. стр. 189. ISBN 978-1-449-47069-2.
Надворешни врски[уреди | уреди извор]
 |
„Ригански црн балсам“ на Ризницата ? |