Потпорна права
Во геометријата, потпорна права L на кривата C во рамнината е права која содржи точка од C, но на C нема две точки кои се разделени од L.[1] Со други зборови, C целосно лежи во една од двете затворени полурамнини дефинирани со L и има најмалку една точка на L.
Својства[уреди | уреди извор]
За една крива, во нејзина фиксна точка може да има повеќе потпорни прави. Ако во дадена точка постои тангента, тогаш таа е единствената потпорна права во таа точка, доколку не ја разделува кривата.
Генерализации[уреди | уреди извор]
Поимот потпорна права може да се разгледува и за рамнински облици. Во овој случај, потпорната права може да се дефинира како права која има заеднички точки со границата на ликот, но не и со нејзината внатрешност.[2]
Поимот потпорна права на рамнинска крива или на конвексна форма може да се генерализира во n димензии како потпорна хиперрамнина .
Критични потпорни прави[уреди | уреди извор]
Ако два ограничени поврзани рамнински облици имаат неповрзани конвексни обвивки меѓу кои растојанието е позитивно, тогаш тие нужно имаат точно четири заеднички потпорни прави - битангентите на двете конвексни обвивки. Две од овие потпорни прави ги раздвојуваат двете форми и се нарекуваат критични потпорни прави.[2] Без претпоставката за конвексност, може да има повеќе или помалку од четири потпорни прави, дури и ако самите облици се разединети. На пример, ако едната форма е прстен кој ја содржи другата, тогаш нема заеднички потпорни прави, додека ако секоја од двете форми се состои од пар мали дискови на спротивните агли на квадрат, тогаш може да има дури 16 заеднички потпорни прави.