Нешто позајмено (филм)

„Нешто Позајмено“
Податотека:Something borrowed poster.jpg Филмски постер
Режисер	Лук Гринфилд
Продуцент	Хилари Свонк Моли Миклер Смит Бродерик Џонсон Ендру Косов Арон Лубин Памела Шеин Марфи
Главни улоги	Џенифер Гудвин Кејт Хадсон Џон Красински Колин Еглисфилд Стив Хоуи Ешли Вилијамс
Музика	Алекс Варман
Кинематографија	Чарлс Мински
Монтажа	Џон Акселрад
Студио	Alcon Entertainment 2S Films
Дистрибутер	Варнер Брос.
Премиера	мај 6 2011 (2011-05-06)
Времетраење	112 минути
Земја	Соединетите Американски Држави
Јазик	англиски
Буџет	35 милиони долари

Филмот „Нешто позајмено“ е американска романтична комедија од 2011 година којашто се заснова врз истоимената книга од Емили Гифин, во режија на Лук Гринфилд, а улогите ги играат Џенифер Гудвин, Кејт Хадсон, Колин Еглисфилд и Џон Красински - и е во дистрибуција на „Warner Bros“.

Содржина

Рејчел Вајт (Џенифер Гудвин) е една правничка којашто работи во една правна фирма во Њујорк. Откако се опила на нејзиниот 30-ти роденден, Рејчел со Декс (Колин Еглисфилд) фаќаат такси и тогаш сфаќа дека е затрескана во него уште од кога била на факултет. Но проблемот е што Декс е вереник на нејзината најдобра другарка Дарси (Кејт Хадсон). Утредента се будат заедно во кревет од телефонските повици на Дарси. Декс се искраднува и немаат време да зборуваат за она што се случило меѓу нив. На почетокот, Рејчел мисли дека сè се случило за една вечер, но откако Декс ќе и каже дека е вљубен во неа, всушност ќе започнат една искрена врска. На Дарси и на неколкумина други им кажуваат еден куп лаги. Рејчел постојано измислува лажни приказни за сексуални врски со Етан и Маркос за да ги прикрие сексуалните средби со Декс.

Етан (Џон Красински) е пријател со Дарси и Рејчел уште од детството. Тој е единствениот којшто знае што се случува помеѓу Рејчел и Декс и безволно ја чува оваа тајна. Во меѓувреме, мајка му на Декс (Џил Ајкенбери) пати од депресија веќе некое време и единственото нешто што ја прави здрава и среќна е венчавката на Декс и Дарси. На 4 јули, Декс заминува во Хамптонс за да остане во градот и да го помине викендот со Рејчел и тогаш налетуваат на неговите родители. Татко му се сомнева дека има нешто помеѓу нив и му вели на Декс да прекине што е можно побрзо и дека не треба да му биде приоритет тоа што го сака доколку тоа е спротивно на она што е правилно. Поради мислењето на неговите родители, Декс се однесува ладно кон Рејчел, ја остава и ѝ се враќа на Дерси.

Како што се наближува венчавката, Декс и Рејчел зборуваат сè помалку и помалку. Додека се на плажа, Етан за малку ќе ја откриеше нивната тајна бидејќи е разочаран од Рејче особено заради тоа што ги лаже оние кои ѝ се битни, но таа го удира со рекет за бадминтон по лицето. Тој се здобива со тешка повреда на носот. Етан е разочаран од Рејчел бидејќи таа не гледа дека тој е единствениот што се грижи за неа. Истата вечер во барот, Рејчел конечно му кажува на Декс дека сака да ја откаже венчавката за да можат да бидат заедно, но тој ѝ вели дека не може да го стори тоа.

Етан се сели во Лондон поради работа и Рејчел оди да го посети. Тој ѝ открива дека ја сака и само сака таа да е среќна, но е тажен бидејќи таа одбива да види што е правилно. Рејчел се враќа во Њукорк и го наоѓа Декс како седи кај нејзе пред врата. Тој ѝ кажува дека раскинал со Дарси и ја откажал венчавката.

Рејчел е пресреќна сè додека Дарси не дојде кај неа да ја моли да зборуваат. Декс се крие и Дарси влегува кај неа. Таа ѝ кажува дека го изневерувала Декс со неговиот другар Маркос. Освен тоа, таа е бремена од Маркос и тие се многу среќни. Рејчел ја благословува и кога Дарси си заминува, се враќа да ја праша Рејчел зошто палтото на Декс е кај неа. Тогаш Декс излегува и Дарси сфаќа дека Рејчел е другата жена. Таа збеснува и излегува од станот кажувајќи и на Рејчел дека ја мрази.

По два месеци, Рејчел и Дарси се среќаваат на улица. Тие не си зборуваат од случката. Дарси вели дека е среќна но не звучи баш убедливо. Рејчел не жали за тоа што спиела со Декс, но жал ѝ е за тоа што ја повредила Дарси. Тие се разделуваат, но се вртат и се погледнуваат, а Дарси се насмевнува и мавта. Рејчел оди до ќошето каде што Декс седи на оградата. Тие си одат заедно.

Филмот завршува со една двосмислена сцена додека ја даваат списокот на учесници. Дарси доаѓа да го изненади Етан во Лондон, а тој се обидува да ја игнорира и брзо си заминува. Екранот станува црн и се појавува текст дека приказната ќе продолжи, што може да значи дека ќе следи филм којшто ќе се заснова врз книгата „Нешто сино“, којашто е продолжение на книгата „Нешто позајмено“.