Корисник:Simonamkd/Македонски центар за меѓународна соработка
| Македонски центар за меѓународна соработка | |
|---|---|
| Страница www.mcms.mk |
Македонски центар за меѓународна соработка (МЦМС) е oснован на 14 декември 1993 година во Скопје, Република Македонија, со поддршка од Холандската меѓуцрковна помош (ХМП). Се разви како независна, граѓанска, непрофитна организација која е подготвена да се соочи со предизвиците и да креира модели или алтернативи за решавање на проблемите. Целите меѓудругото беа промоција на мирот, организирање на граѓанското општество и помош на оние кои имаат потреба. Добитник е на Наградата за граѓанско општество и демократија од САД и ЕУ во 1998 година, како и на многу национални и локални признанија.
Визија, мисија и стратегија [1][уреди | уреди извор]
Визијата на МЦМС е мир, хармонија и просперитет на луѓето во Македонија, на Балканот и глобално. МЦМС ја заснова визијата за мир, хармонија и просперитет, на универзалните принципи на граѓанско општество и партиципативна демократија, владеење на правото, рамномерен и одржлив социо-економски развој, ненасилство, почит и меѓузависност и културна разноличност.
Мисијата на МЦМС е „МЦМС предводи и поттикнува промени со нови и алтернативни решенија на општествените проблеми, кои влијаат на другите чинители и кои се вклучуваат во главните текови.“
Работата на МЦМС е во рамките на одредените програмски и организациски методи. Програмските методи се: застапување (информирање, градење свест, едукација; креирање и влијание на политики; следење и барање одговорност); развојна поддршка (капацитети и инфраструктура); социјално-хуманитарна поддршка. Организациските методи се раководење и спроведување.
Долгорочни цели [2][уреди | уреди извор]
Социјална кохезија и намалување на сиромаштијата[уреди | уреди извор]
Социјалната кохезија и намалување на сиромаштијата ќе се остварува преку вработување, претприемништво, образование и пристап до јавни сервиси, засновано на принципите за еднакви можности и пристап заснован на правата (rights based approach) и со вклучување на маргинализираните групи.
Одржлив локален и рурален развој[уреди | уреди извор]
Одржливиот локален и рурален развој треба да придонесе во социјалната кохезија. Но поради големите регионални и урбано-рурални јазови во развојот, МЦМС посебно ќе се фокусира на оваа цел. МЦМС ќе го поддржува развојот на капацитет на локалните самоуправи и други локални форми за одржлив локален и рурален развој со подобрени јавни услуги за граѓаните во локалните и руралните заедници, подобрена урбана и рурална инфра-структура, меѓу другото и со искористување на достапната ЕУ поддршка во оваа област.
Добро владеење, партиципација и политики засновани на луѓето[уреди | уреди извор]
МЦМС се фокусира на битен дел на доброто владеење – партиципативност, која овозможува политики засновани на луѓето и со тоа тесно поврзаните - транспарентност, отчетност, одговорност. Односно, МЦМС ќе бара влијание на јавните политики, како и на буџетскиот процес, барањето на одговорност. МЦМС ќе го поддржи развојот на општествена одговорност на претпријатијата.
Вкоренето и динамично граѓанско општество[уреди | уреди извор]
Активни граѓани или општествено одговорни граѓани, како чинители, се клучниот дел на пристапот на МЦМС и се вклучени во сите цели на МЦМС. Надвор од вклученоста во главните текови, МЦМС ќе се фокусира на институционалниот развој за вкоренето и динамично граѓанско општество кои влијае на јавните политики.
Прифатена културна разноличност, меѓузависност и дијалог[уреди | уреди извор]
Во македонското мултикултурно општество, прифаќањето на разноличноста и разбирањето на потребата од дијалог, заедничко живеење и јакнење на меѓузависноста, е од примарно значење за мирен и хармоничен развој. Дијалогот, како димензија на човечката свесност, ќе биде клучниот инструмент за надминување на разликите, за отстранување на бариерите меѓу луѓето, за слободна комуникација на идеите.
Поддржан евроинтеграциски процес и зајакната регионална соработка[уреди | уреди извор]
МЦМС ќе го поддржува развојот на долгорочни добрососедски односи и да стане член на меѓународните организации и спогодби, пред се на ЕУ.
МЦМС - независна и организација со кредибилитет[уреди | уреди извор]
МЦМС- независна и организација со кредибилитет, способна за силни и ефективни партнерства и сојузи засновани на еднаквост. МЦМС треба да ја одржува својата независност, по која и досега е препознатлив, преку работа со различни засегнати страни и групи од интерес на еднаков начин и без привилегирање, со истакнување на јасни и често конфронтирачки ставови за клучните општествени прашања.
МЦМС - организација со локални корени и глобален поглед[уреди | уреди извор]
МЦМС е атрактивна и иновативна организација која учи, со локални корени и глобален поглед. Не само што луѓето се во фокусот на целите на МЦМС, тие се и клучен ресурс за успехот на МЦМС и негова главна конкурентна предност. Оттука, развојот на персоналот е есенцијален за идниот подем. МЦМС ќе продолжи да поддржува развој на персонал со личен и професионален интегритет и посветеност.
Вредности и принципи[уреди | уреди извор]
- Партиципација (учество, вклученост) на луѓето- подразбира вклученост во процесите на одлучување, на сите оние кои имаат легитимен интерес во прашањата кои ги засегаат.
- Транспарентност и одговорност (јавност, отвореност, отчетност)- подразбира јавност ( јавна проверка, контрола и отвореност на институциите и процесите во општеството. Нужно е таа да биде пропратена со постоење механизми кои обезбедуваат одговорно однесување на клучните актери.
- Партнерство (соработка) - подразбира односи на соработка меѓу вклучените страни, кои се согласуваат да ги споделат правата и одговорностите заради постигнување одредена цел. Партнерството како принцип, се надградува на партиципацијата.
- Толеранцијата е спремност да се препознаат и почитуваат верувањата и однесувањата на другите. Оваа вредност е клучна за стабилноста на општеството, кое пак е предуслов за просперитет.
- Претприемништво - значи преземање иницијатива (и ризик) за сопствен успех - личен или на заедницата (социјално претприемништво). Глобалните искуства потврдуваат дека најуспешните општества се базираат на иницијативност и иновативност.
- Одржливост - значи долгорочност и континуитет на процесите и состојбите. Одржливиот развој е процес на промена во кој сите заедно, експлоатацијата на ресурсите, насоките на инвестициите, ориентацијата на технолошкиот развој и институционалната промена, се во хармонија и овозможуваат сегашните и идните потенцијали да ги задоволат човековите потреби и аспирации.
- Еднакви можности – за сите луѓе за пристап до придобивките од политичките, економските и социјалните процеси и механизми за тоа да се обезбеди, без дискриминација и/ или фаворизирање на други.