Дипломирала на Природно-математичкиот факултет во Скопје, на насоката применета физика во 1990 година. На истиот факултет магистрирала во 1997 година на тема „Испитување на системот полиетиленоксид-вода со оптички и електрооптички методи”, а во 2002 година ја одбранила докторската дисертација „Истражувања на молекуларни и макроскопски параметри на полимери што содржат 1,3,4-оксадијазолови прстени”.
Христина Спасевска својата академска дејност ја започнува во 1990 година како помлад асистент на Факултетот за електротехника и информациски технологии при Универзитетот „Св. Кирил и Методиј“ во Скопје, а за асистент во 1997 година. Во 2003 година е избрана за доцент, во 2008 година за вонреден професор, во 2012 година за редовен професор, а во 2017 година е реизбрана за редовен професор на истиот факултет[1].
Во последните десет години проф. д-р Христина Спасевска е раководител или учесник на повеќе од 20 научно-истражувачки и апликативни меѓународни проекти во програмите ФП7 (FP7)[4], ЕУРЕКА (EUREKA)[5], Хоризонт (Horizon 2020)[6], ИПА (IPA) и КОСТ (COST), Еразмус (Erazmus)[7], како и проекти финансирани од Меѓународната агенција за атомска енергија (International Atomic Energy Agency)[8], Светска Банка (World Bank), Централно Европската Иницијатива (Central European Initiative) и Министерството за образование и наука на Република Северна Македонија.
Таа е коавтор на повеќе од 80 научно-истражувачки и стручни трудови, кои се објавени во меѓународни списанија, списанија со фактор на влијание или трудови презентирани на конференции од областа на нови материјали и нивна примена во енергетски системи. Има објавено повеќе од 10 книги, учебници и учебни помагала[1].
Проректор за настава на Универзитет „Св. Кирил и Методиј“ во Скопје (од 2020).[9]
Продекан за настава на Факултетот за електротехника и информациски технологии во Скопје (2012-2016).[10]
Раководител на Институтот за математика и физика, Факултет за електротехника и информациски технологии во Скопје (2016-2020).[10]
Раководител на акредитирана Лабораторија за радијациона физика (РАД-ЛАБ), Факултет за електротехника и информациски технологии во Скопје (од 2023).[10]
Раководител на акредитирана Лабораторија за контрола на храна третирана со јонизирачко зрачење (ЛКХТЈЗ), Факултет за електротехника и информациски технологии во Скопје Факултетска лабораторијата за контрола на храна третирана со јонизирачко зрачење - ФЕИТ (2018-2023).[10]
Раководител на Центарот за сончеви технологии – СОЛТЕК, Факултет за електротехника и информациски технологии во Скопје (2009-2018).[10]
Награда „13 Ноември“ за наука на Град Скопје за остварување во науката, техниката и стопанството од областа на обновливите извори на енергија и енергетската ефикасност (2019)[11].
Најдобар дипломиран студент по физика на Природно-математички факултет во Скопје (1990).
