Прејди на содржината

Климатски промени во Гватемала

Од Википедија — слободната енциклопедија

Климатските промени во Гватемала се сериозен проблем бидејќи Гватемала се смета за една од 10-те нации најранливи на ефектите од климатските промени.[1] Во 2010 год; Гватемала „се рангирала на второто место во светот според глобалниот индекс на климатски ризик, што укажува на нивото на изложеност и ранливост на екстремни настани“.[2] И комерцијалното земјоделско производство и земјоделството за егзистенција се намалиле, а со тоа на земјоделците за егзистенција им е потешко да најдат работа како дневни работници кога нивните жетви пропаѓаат.[3] Околу 300.000 земјоделци за егзистенција пријавиле загуба на посевите поради сушата во 2018 год.[4] Околу половина од работната сила во Гватемала е во земјоделскиот сектор.[5] Слабите приноси на земјоделските култури поради климатските промени се идентификувани како фактор за миграција во Соединетите Американски Држави.[6][7]

Емисии на стакленички гасови

[уреди | уреди извор]

Гватемала испуштила 40 мил. метрички тони (MtCO2e) стакленички гасови во 2011 год; при што промената на употребата на земјиштето и секторот шумарство придонеле 40 отсто во вкупните емисии. Емисиите на стакленички гасови пораснале за 38 проценти од 1990 до 2011 година со значителен придонес од промените во користењето на земјиштето и секторите шумарство, енергија и земјоделство.[8]

Влијанија врз природната средина

[уреди | уреди извор]

Температурни и временски промени

[уреди | уреди извор]

Извештајот на Гватемаланскиот систем за науки за климатски промени во 2019 год. покажал дека сезоната на дождови започнува подоцна како резултат на климатските промени, што ги става земјоделците и домородните луѓе, во сиромашните заедници во ризик од недостиг на храна како резултат на лошата жетва.[9]

Екосистеми

[уреди | уреди извор]

Населението на јадливата џиновска мравка во Гватемала се намалува.[10][11]„ Зомпопото на Гватемала, жолтите мравки, од мај сега се зомпопо на јуни“, според д-р Едвин Кастеланос, од Универзитетот во Вале де Гватемала.[12]

Влијанија врз луѓето

[уреди | уреди извор]

Економски влијанија

[уреди | уреди извор]

Земјоделство

[уреди | уреди извор]

Земјоделците од Гватемала доживеале екстремни временски настани како што се урагани, како и непредвидливи временски обрасци со скокови и падови на температурата, поројни дождови, суша и неочекуван мраз.[3][7][13][14] Една од погодените култури се компирите, кои страдаат од габи.[6]

Западните висорамнини на Гватемала се особено подложни на климатски промени, што влијае на претежно домородното население на земјоделците за егзистенција во регионот. Главните култури, компирот и пченката, се под зголемен притисок бидејќи тврдите мразови во регионот зачестија од 2013 год. Тешките мразови можат да убијат посеви во вредност од цела сезона одеднаш. На пониските височини, новите штетници стануваат се поприсутни и врнежите се намалени.[5]

Проблемот со безбедноста на храната и гладот се зголеми, особено во сув коридор.[12]

Влијанија врз миграцијата

[уреди | уреди извор]

Во 2018 год; 50 проценти од 94.000 Гватемалци депортирани од САД и Мексико биле од западните висорамнини на земјата сериозно погодени од климатските промени.[5]

Во 2019 год; округот Палм Бич, Флорида забележала зголемување на имигрантите од Гватемала од „Сув коридор“, кои се обидуваат да избегаат од гладот предизвикан од периоди на суша проследени со поројни дождови што влијаеле на нивните посеви.[7]

Ублажување и адаптација

[уреди | уреди извор]

Адаптација

[уреди | уреди извор]

Поддршката на УСАИД за Гватемала вклучува развој на „системи за рано предупредување за поплави и пожари, како и промовирање на зачувување на почвата и сливовите, собирање на дождовница и други адаптивни практики“. [1] Според ГАО, мандатот за студии за утврдување на влијанието на овие програми врз миграцијата е укинат. Трет круг на намалувања на помошта од Соединетите Американски Држави е предложен за ФЈ2020.[4]

Невладините организации со седиште во Соединетите Американски Држави кои биле активни во проекти поврзани со климата во шумарскиот и земјоделскиот сектор доживеаја кратења на финансирањето под администрацијата на Трамп.[6][15]На пример, Западна асоцијација за соработка за рурален развој (ЦДРО) била програма на Гватемала првично финансирана од владата на Соединетите Држави. ЦДРО се фокусирала на агрошумарството и системите за следење на времето за да им помогне на земјоделците да ги ублажат ефектите од климатските промени. Организацијата им обезбедила на жителите ресурси за да засадат нови, поприлагодливи култури заедно со нивната типична пченка за да ја заштити пченката од променливи температури, мраз итн. пораки за да ги предупредат за периоди на мраз, екстремна топлина, влажност или суша. Финансирањето на програмата било скратено од администрацијата на Доналд Трамп во 2017 год.[5]

Меѓународна соработка

[уреди | уреди извор]

Гватемала се приклучи на В20, група од 48 економии во развој кои работат заедно со развојните банки за отпорност на климата и 100 проценти обновлива енергија.[16]

Поврзано

[уреди | уреди извор]

Наводи

[уреди | уреди извор]
  1. ↑ 1,0 1,1 „Guatemala | Global Climate Change“. Climate Links (англиски). USAID. Посетено на 2019-05-07.
  2. ↑ „Guatemala“. Research Program on Agriculture, Climate Change, and Food Security (англиски). 2015-11-27. Посетено на 2019-05-07.
  3. ↑ 3,0 3,1 „Changing climate forces desperate Guatemalans to migrate“. National Geographic. 2018-10-23. Архивирано од изворникот на October 31, 2018. Посетено на 2019-05-07.
  4. ↑ 4,0 4,1 Walsh, Conor. „Conor Walsh: Immigration and climate change in Central America“. Arizona Daily Star (англиски). Посетено на 2019-05-07.
  5. ↑ 5,0 5,1 5,2 5,3 Blitzer, Jonathan; Lima, Mauricio (2019-04-03). „How Climate Change Is Fuelling the U.S. Border Crisis“. The New Yorker (англиски). ISSN 0028-792X. Посетено на 2019-05-07.
  6. ↑ 6,0 6,1 6,2 Shapiro, Ari; Blitzer, Jonathan (April 10, 2019). „Climate Change Is Forcing Farmers In Guatemala To Leave Their Land For The U.S.“. NPR (англиски). Посетено на 2019-05-07.
  7. ↑ 7,0 7,1 7,2 Padgett, Tim (Apr 8, 2019). „Guatemalan Climate Change Refugees Pouring Over U.S. Border – And Into South Florida“. WLRN (англиски). Посетено на 2019-05-07.
  8. ↑ „Greenhouse Gas Emissions Factsheet: Guatemala | Global Climate Change“. Climate Links. USAID. Посетено на 2019-05-07.
  9. ↑ Moloney, Anastasia (2019-05-04). „The poorest in Guatemala bear brunt of climate change, research says“. Reuters (англиски). Посетено на 2019-05-04.
  10. ↑ „Meet the giant Guatemalan winged-leaf-cutter ant: Zompopo“. AntiguaDailyPhoto.Com (англиски). 2014-05-18. Посетено на 2019-05-07.
  11. ↑ „Zompopos de Mayo Season in Guatemala 2019“. Rove.me (англиски). Посетено на 2019-05-07.
  12. ↑ 12,0 12,1 Castellanos, Edwin (2016-03-07). „Climate Change in Guatemala“. EntreMundos (англиски). Посетено на 2019-05-07.
  13. ↑ Montes, Juan; Pérez, Santiago (2019-04-05). „Mexico Struggles to Contain Surge in Central American Migrants“. Wall Street Journal (англиски). ISSN 0099-9660. Посетено на 2019-05-07.
  14. ↑ „Erratic weather patterns in the Central American Dry Corridor leave 1.4 million people in urgent need of food assistance“. Food and Agriculture Organization of the United Nations (англиски). 25 April 2019. Архивирано од изворникот на 2021-05-29. Посетено на 2019-05-04.
  15. ↑ Bunch, Will (April 25, 2019). „Climate denier Trump can't handle the truth about why Central Americans flock to U.S.“. Philadelphia Inquirer (англиски). Посетено на 2019-05-07.
  16. ↑ Rowling, Megan (2019-04-12). „Shunned by investors, poorer nations seek to climate-proof growth“. Reuters (англиски). Посетено на 2019-05-04.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Климатски_промени_во_Гватемала&oldid=5285479“