Знаме на Република Јемтланд
Знамето на Република Јемтланд било создадено во 1983 година од активистите Кент Бакман и Бо Оскарсон[1] како хоризонтална тробојка од сина, бела и зелена боја, симболизирајќи го небото, планините покриени со снег, и шумите.[1] Трите ленти ги симболизираат и провинциите на Република Јемтланд: Јемтланд, Херједален и Рагунда.[1]
На белата лента е стар печат што кралот Магнус Лагаботе од Норвешка му го подарил на Јемтланд во 13 век.[2][3] Печатот гласи SIGILLUM:COMMUNITATIS:DE:IEMThALANDIA, „печат на заедницата Јемтланд“ и прикажува две жени кои држат штит (некрунисан) со норвешкиот државен лав и двајца ловци со лакови кои ловат верверички на дрвјата. (Зимското крзно од верверички било важна стока во средновековниот период. Печатот бил во официјална употреба до 1570 година.[2]
Знамето нема правен т.е. официјален статус, но веќе е популарно во Јемтланд и меѓу Јемтландската дијаспора во Шведска. Републичките статуи ги означуваат 12 март, 16 јуни, 23 јули и 23 декември како денови на знамето:[1] На 23 јули се одбележува првото официјално веење на знамето во 1983 година, 12 март е национален ден, 16 јуни го одбележува денот на народното собрание укинато од шведската окупација во 17 век, а на 23 декември е „Масата на Сигурд“, локален празник кој првично славел светец кој сега е заборавен.[4]
Наводи
[уреди | уреди извор]- ↑ 1,0 1,1 1,2 1,3 Oscarsson, Bo. "Jamtlands Flagga", Jamtamot. Originally Published in Jamtlands Tidning 1983:2 (Uppsala). Retrieved on 27 October 2005.
- ↑ 2,0 2,1 Oscarsson, Bo. "The 13th century seal of Jamtland". Retrieved on 27 October 2005.
- ↑ Blaeu, Joan. ”Second Volume de la Geographie Blaviane, Contenant le III. IV. V. VI. & VII. Livre de l’Europe”. Amsterdam, 1667. ”Suede, qvi est Le III. Livre de l’Europe”: ”Des Provinces Nordlandiennes”: "De la Iempte".
- ↑ Faxén, Lars. "Den 23 december – sjulsmässdag". Nordisk tidskrift 1970:200.