Црква „Св. Димитриј“ - Габрово

Местоположба
Свети Димитриј

Поглед на црквата
македонска православна црква
Епархија	Брегалничка
Архијерејско намесништво	Делчевско
Парохија	Ѕвегорска

Координати	41°59′19.8″N 22°47′53.5″E / 41.988833° СГШ; 22.798194° ИГД / 41.988833; 22.798194
Место	Габрово (Делчевско)
Општина	Делчево
Држава	Македонија
Општи податоци
Покровител	Свети Димитриј Солунски
Изградба	11 октомври 2005
Завршено	2017/2018
Архитектонски опис

Свети Димитриј — главна селска црква во селото Габрово. Црквата е сместена во северниот дел од селото, непосредно на десната страна од патот кој води од Делчево.

Историја[уреди | уреди извор]

Камен-темелник за изградба на црквата бил поставен на 11 октомври 2005 година од страна на тогашниот Митрополит Брегалнички г. Агатангел.^[1] Градбата е проектирана од страна на архитектот Ѓорѓи Јанковски. Црквата е градена со помош на донации од верници, при што најголем дел биле од иселеници во Швајцарија.^[2]

Архитектура[уреди | уреди извор]

Градбата на црквата претставува крстокуполен храм, при што куполата е со осумаголна основа и на секоја од осумте страни има по една тенка монофора. Монофори исто така има и низ ѕидовите на црквата. Во предниот дел од градбата, непосредно пред влезната порта, се издига камбанаријата која е прилепена до градбата на главниот објект. Таа има квадратна основа и до нејзината влезна порта водат странични кружни скали. Градбата е обоена во бела боја, додека рабовите на ѕидовите се обложени со темно-црвена. Целата градба заедно со камбанаријата се покриени со кров од ќерамиди. Пред црквата има дрвена информативна табла на која е насликан Свети Димитриј Солунски.