Радмила Котевска

Радмила Котевска
Родена	Радмила Јованова 10 јуни 1924 Куманово, Кралство Југославија
Починала	15 септември 2003(2003-09-15) (возр. 79) Скопје, Македонија
Националност	Македонка
Позната	основач на Одделот за детска нефрологија
Занимање	педијатарка, нефролог

Радмила Котевска (моминско: Јованова; 10 јуни 1924 во Куманово — 15 септември 2003 во Скопје) — македонска педијатарка и нефролог.

Животопис

Студите по медицина ги завршила во Белград, а специјализирала во полето на педијатрија на Детската клиника при Медицинскиот факултет во Скопје, по што се усовршувала во два наврати во Париз кај францускиот професор и педијатар Роберт Дебре, на наставната болница Hôpital Necker – Enfants Malades.

Била основач на Одделот за детска нефрологија при Клиниката за педијатрија, а како пионер во полето на детска нефрологија се здобила и со звањето примариус во оваа стручна активност.

Била автор на над сто публикации од областата на општата педијатрија и детската нефрологија.