Остерхајде

Местоположбата на округот во округот Хајдекрајс

Остерхајде (германски: Osterheide) — населена слободна област во округот Хајдекрајс, во сојузната покраина Долна Саксонија, Германија. Се наоѓа во јужниот дел на Линебуршкото Поле.

Областа има површина од 177,99 км² и има 2.105 жители (2018 г.). Заедно со слободната област Лохајде е дел од воениот полигон „Берген-Хоне“.

Географија

Соседни општини на областа се:

• Есел (на југ)
• Валсроде (на запад)
• Бад Фалингбостел (на северозапад/север)
• Вицендорф (на север/североисток)
• Лохајде (слободна област, на исток)
• Винзен

Единици

Областа е поделена на десет единици:

• Беклингер Холц
• Фурхоп
• Вензе
• Унтерајнцинген
• Оберајнцинген
• Ербке
• Хартем
• Оберндорфмарк
• Оберходе
• Крелинген

Историја

Во 1935 година, германската војска го основала воениот полигон „Берген“ помеѓу градот Берген и Фалингбостел. Вкупно 24 села биле погодени, а нивните жители преселени. Во 1938 година бил создаден посебен округ Берген (Gutsbezirk Platz Bergen) за да го раководи полигонот и бил под округот Фалингбостел. Во 1945 година, округот бил поделен на две слободни области, познати денес како Остерхајде и Лохајде. Остерхајде останал дел од округот Фалингбостел, додека Лохајде бил преместен под округот Целе.

Правен статус

Според член 16 од општинските одредби на Долна Саксонија, управувањето со нездружени подрачје е регулирано. Целосната верзија на овие одредби биле издадени на 4 декември 1996 година. Таму се наведува дека „испораката на јавни добра за областа е одговорност на земјопоседникот“, што во случај на Лохајде и Остерхајде, е сојузната влада. Управувањето со нездружено подрачје е различно од она на општините. Тие имаат окружен предводник (Bezirksvorsteher) и совет на избрани претставници од жителите.

Знаменитости

• во Ербке:
  • гробишта на незнајните војници, на кои се закопани околу 30.000 советски воени заробеници од Втората светска војна
• во и околу Остенхолц:
  • црква во фахверк со дрвена кула од 1724 година
  • Хоер Штајн, спомен-плоча за случувањата од 1936 година
  • Зибен Штајнхојзер, мегалитски гробови
• во Вензе:
  • капела од 1558 година

• 
  Остенхолц
• 
  Црква во Остенхолц
• 
  Гробишта на незнајните војници
• 
  Хоер Штајн