Лорето (регион)

Лорето Loreto
—  регион  —
Местоположба во Перу
Држава	Перу
Поделба	7 покраини и 51 округ
Главен град	Икитос
Управа
• Претседател	Иван Васкез Валера
Површина
• Вкупна	368.851,95 км2
Највисока точка	220 м
Најниска точка	70 м
Население (попис од)
• Вкупно	884.144
UBIGEO	16
Повикувачки број	065
ISO 3166	PE-LOR
Главни ресурси	ориз, дрво, гума, говеда
Индекс на сиромаштија	70%
Процент од БНП на Перу	2.51%
Портал	www.regionloreto.gob.pe

Лорето (Loreto) е регион во северно Перу. Регионот зафаќа една третина од територијата на државата, што го прави најголем регион во Перу, но сепак е еден од најслабо населениете поради оддалеченоста и присуството на Амазонската прашума. Главен град на регионот е Икитос.

Граници

Лорето се граничи, покрај со останати перуански региони, со други држави. Така, на северозапад регионот се граничи со Еквадор, поточно со еквадорските покраини Сукумбиос, Орелана, Пастаза и Морона-Сантијаго. На север се наоѓа Колумбија, односно департманот Путумајо. На североисток, исто така, се наоѓа Колумбија, но со департманот Амазон. На исток од регионот се наоѓа Бразил, поточно бразилските држави Амазон и Акре. На југ се наоѓаат перуанските региони Укајали и Уануко, додека на запад се Сан Мартин и Амазон.

Административна поделба

Регионот е составен од седум покраини, кои пак се поделени на 51 округ. Во прилог следуваат покраините со главните градови во загради:

• Алто Амазонас (Јуримагвас)
• Датем дел Марањон (Сан Лоренцо)
• Лорето (Наута)
• Марискал Рамон Кастилја (Кабалокоча)
• Мајнас (Икитос)
• Реквена (Реквена)
• Укајали (Контамана)

Поврзано

• Перу
• Административна поделба на Перу
• Икитос

Надворешни врски

• Перуанско-амазонски Истражувачки Институт
• Перуанско-амазонски Информациски Систем
• Официјално мрежно место на регионот