Костадин Костадинов (бугарски политичар)
| Костадин Костадинов | ||
| ||
| Роден | Костадин Тодоров Костадинов 1 април 1979 Варна, Народна Република Бугарија | |
|---|---|---|
| Националност | Бугарија | |
| Сегашна партија | Преродба (од 2014 г.) | |
| Поранешни партии | ВМРО-БНД (1997–2013) | |
Костадин Тодоров Костадинов (р. 1 април 1979 во Варна) — бугарски политичар, претседател на политичката партија Преродба и општински советник во општина Варна. Тој е доктор по етнографија.
Животопис[уреди | уреди извор]
Костадин Костадинов е роден на 1 април 1979 година во Варна, Народна Република Бугарија. Завршува магистратура по балканизам во 2002 година, и право во 2011 година на Великотрновскиот универзитет „Св. Кирил и Методиј“.[1]
Член на Националниот извршен комитет на ВМРО-БНД од 2007 до 2012 година и регионален координатор на ВМРО за областите Варна, Шумен и Добрич од 2002 до 2009 година.[2]
На вонредниот конгрес на ВМРО-БНД, одржан на 17-18 октомври 2009 година е избран за заменик-претседател на ВМРО-БНД, каков останува до следниот конгрес на 27.10.2012 година. Го напушта ВМРО во почетокот на 2013 година. Од 2012 до 2013 година е автор и водител на емисијата „За бугарската нација“ на телевизија СКАТ.[3] Од 2013 до 2017 година е директор на Регионалниот историски музеј во Добрич. Претставува општински советник во општина Варна од Коалиција „Варна“. Во 2015 година ја водел емисија „Бугарската слава“ на телевизија Алфа. Во 2017 година, предводена од него, политичката партија Преродба стекна малку над 1% од гласовите на изборите за Народно собрание.[4]
Во 2017 година Костадинов го одбранил докторат по етнографија во Бугарската академија на науките.[5]
Наводи[уреди | уреди извор]
- ↑ Костадин Костадинов, кандидат на Атака за кмет на Варна. в-к Атака, 24 юли 2015. Архивирано на 15 април 2019 г.
- ↑ Костадин Костадинов – Новини от България и света, DarikNews.bg
- ↑ Костадин Костадинов, който се съди с Марешки, дава партийната субсидия за паметници на български войници. в-к 24 часа 29 март 2017.
- ↑ Костадин Костадинов, претседател на ПП „Възраждане“, пред – в-к Труд, в-к Труд, 30 май 2017.[мртва врска]
- ↑ Публична защита на Костадин Костадинов в Институт за етнология и фолклористика с Етнографски музей – БАН. Обява за защитата на Костадинов на официалната страница на БАН от 1 септември 2017 г.
