Инч

1 инч, палец, цол =

SI-единици
25.4×10^−3  m	25,40 mm
Американски / Британски
83.3×10^−3  ft	1,000 in

Инч, палец или цол, (знак in или ″ - двоен прим) е единица мерка за должина во разни системи, како англискиот, британскиот и американскиот. Големината му варира од систем до систем. Една јарда има 36 инча, а една стапка има 12. Соодветната единица мерка за плоштина е квадратен инч, а за волумен е кубен инч.

Инчот е честа единица мерка во САД, Обединетото Кралство и Канада. Во САД и ОК, лични висини се изразуваат во стапки и инчи. Во Канада ова станува сè поретко.

Меѓународен инч

Во 1958 САД и земјите од Комонвелтот ја дефинирале должината на меѓународната јарда на 0.9144 метри. Така, меѓународниот инч е еднаков на 25.4 милиметри.

Стандардниот меѓународен симбол за инч е in (видете ISO 31-1, Анекс A). Во некои случаи инчот се пишува со двоен прим, кој изгледа како наводници, а стапката со прим, која изгледа како апостроф. На пример, 6 стапки 2 инча се обележува со 6′2″. Ова може да предизвика забува, бидејќи единечниот и двојниот прим се меѓународни симболи за аголна минута и аголна секунда.

Еквиваленција на други мерни единици

1 меѓународен инч е еднаков на:

• 1,000 тоу (1 тоу = 0.001 инч)
• околу 0.08333 стапки (1 стапка = 12 инча)
• околу 0.02778 јарди (1 јарда = 36 инча)
• 2.54 сантиметри (1 сантиметар = ~0.3937 меѓун. инчи)

Примена на инчот

Дури и во земјите каде се користи метрички систем, инчот може да важи за:

• големини на компјутерски монитори, сензори за слики и (поретко) телевизорски екрани,
• внатрешен пречник на цевки (видете ISO 228),
• велосипедски гуми и бандажи (видете ISO 5775),
• грамофонски плочи,
• пречник на пури,

иако фактичката димензија на највеќето од овие производи се искажува во милиметри.

Видете исто така

• Англиски мерни единици
• Британски мерни единици
• Американски мерни единици
• Пирамидален инч