Зелени човечиња

Лица во зелени воени униформи без ознаки патролираат на аеродромот во Симферопол, Крим (пушката на лицето од десно нема вметнат шаржер); 28 февруари 2014 г.

Зелени човечиња (на руски: зелёные человечки, на украински: зелені чоловічки) е еуфемистички поим кој се користел за претставување на проруските вооружени лица кои дејствувале на Крим за време на воената криза во 2014 година. Нивните лица биле прикриени, носеле зелени воени униформи без ознаки на припадност кон каква било воена структура и биле вооружени со модерно руско воено оружје. Рускиот претседател Владимир Путин го негирал тврдењето дека овие лица се руски војници туку посочил дека истите се дел од местни самоодбранбени групи кои своите налик руски воени униформи ги купиле од продавници за воена опрема. Поради перцепцијата дека се однесуваат учтиво и помагаат на месното население, во рускиот медиумски простор бил користен и називот учтиви луѓе (на руски: вежливые люди).

Надворешни врски

• Витали Шевченко, "Little green men" or "Russian invaders"? (англиски) („Зелени човечиња“ или „руски окупатори“), Би-би-си, 11 март 2014 г.